ا ق ش- تا GGG- ءدىڭ بولاشاعى مەن ورتا سالماقتاعى دارەجەسى تۋرالى ايتىلدى
بۇل تۋرالى Vesti.kz تىلشىسىمەن اڭگىمە بارىسىندا Delcotimes.com سايتىنىڭ رەداكتورى دجەك ماككافەرري ايتتى.
مامان الداعى جەكپە-جەكتەر مەن قازاقستاندىق سپورتشىنىڭ باستى قارسىلاسى تۋرالى دا ايتىپ بەردى. سونىمەن قاتار ول DAZN بويىنشا ورتا سالماقتاعى ۇزدىكتەر رەيتينگىندە گولوۆكين امەريكالىق دجەرمالل چارلودان كەيىنگى ەكىنشى ورىندا تۇرعانىن ايتتى.
«گولوۆكيننىڭ كەلەسى قادامدارى تۋرالى اقپارات مۇلدە از. قازاقستاندىقتىڭ كومانداسى مۋراتا مەن چارلو سىندى بوكسشىلارمەن جولدى قالاي تۇيىستىرۋگە بولاتىنىن تاپپاي جاتقان بولۋى دا مۇمكىن. اندرادە سوڭعى جەڭىسىنەن كەيىن گولوۆكينمەن كەزدەسۋگە دايىن ەكەنىن، ءبىراق كەزدەسۋدىڭ جاقىن ارادا بولعانىن قالامايتىنىن ايتقان ەدى. جانكۇيەرلەر ۇلكەن جەكپە-جەكتەر كۇتۋدە. ونىڭ دەريەۆيانچەنكومەن بولعان كەزدەسۋى مەن شەرەمەتانى ساباپ تاستاۋى ءوز كەزەگىندە «دراما» بولدى. ول قازىر بەلسەندىرەك بولۋى ءتيىس.
ونىڭ DAZN- مەن كەلىسىمشارتى بويىنشا ءالى وتەۋى كەرەك بىرنەشە جەكپە-جەگى بار. ەل اراسىندا گولوۆكيننىڭ كومانداسى كەلىسىمگە كەلۋدەن قاشقاقتاۋدا دەگەن قاۋەسەت بار. ءبىراق مەنىڭشە ول كەلىسىمدەر بوس اڭگىمە. ول تيتۋلداردى بىرىكتىرىپ، «كانەلومەن» قايتا كەزدەسكىسى كەلەدى. بۇل تۋرالى GGG ۇنەمى ايتىپ جۇرەدى.
مەن DAZN رەيتينگىمەن كەلىسپەيمىن. گولوۆكين ءالى دە ورتا سالماقتا ۇزدىك. الايدا ونىڭ باستى قارسىلاسى - ۋاقىت. وعان قازىر لايىقتى قارسىلاس تاۋىپ، جانكۇيەرلەردى قاناعاتتاندىرۋ قاجەت» - دەيدى ماككافەرري.
ەستەرىڭىزگە سالا كەتەيىك، 39 جاستاعى گولوۆكين DAZN جانە ەددي حيرنمەن كەلىسىمى بويىنشا ءالى ءتورت جەكپە-جەك وتكىزۋى ءتيىس. قازاقستاندىق سپورتشى وتكەن جىلدىڭ جەلتوقسانىندا كاميل شەرەمەتانى جەڭگەننەن كەيىن ءالى شارشى الاڭعا شىققان جوق. ءوز كەزەگىندە گولوۆكينمەن جەكپە-جەككە شىعۋعا دجەرمالل چارلو، دەمەتريۋس اندرادە جانە حايمە مۋنگيا نيەتتى ەكەنىن بىلدىرگەن.