قازاقستاندىق بوكسشى ايدا ساتىبالدينوۆا ا ق ش- تا GBO چەمپيوندىق بەلدىگىن جەڭىپ الدى
14:02, 19 - ماۋسىم 2022
نۇر- سۇلتان. قازاقپارات - قازاقستاندىق كاسىپقوي بوكسشى ايدا ساتىبالدينوۆا (5-2-1، 2 ك و) ا ق ش- تىڭ كاليفورنيا شتاتى كوممەرس قالاسىندا تيتۋلدىق جەكپە- جەگىن وتكىزدى، دەپ حابارلايدى قازاقپارات ءتىلشىسى.
قازاقستاندىق بوكسشى گايتي وكىلى دجايكا پاۆيلۋسپەن (3-5-1، 1 ك و) رينگكە شىقتى. ولار جەڭىل سالماقتا GBO ۆەرسياسى بويىنشى چەمپيوندىق بەلدىكتى ساراپقا سالدى. تورەشىلەردىڭ ءبىراۋىزدان شەشىمىمەن جەڭىس ايداعا بەرىلدى. وسىلايشا، ايدا ساتىبالدينوۆا ءوزىنىڭ كاسىپقوي بوكسىنداعى التىنشى جەڭىسىنە قول جەتكىزدى. د. پاۆيلۋس التىنشى رەت جەڭىلدى. ا. ساتىبالدينوۆا 2019 -جىلدىڭ شىلدەسىنەن بەرى رينگكە شىقپاعان بولاتىن.
ەسكە سالا كەتەيىك، بۇدان بۇرىن دامير ىسماعۇلوۆتىڭ بەسىنشى جەڭىسىنە قول جەتكىزگەنىن جازعان بولاتىنبىز.