سولتۇستىك ۆوللو ايماعىنىڭ قوعاممەن بايلانىس كەڭسەسىنىڭ مالىمدەمەسىنە سايكەس، امحارا ايماعىنداعى داۆۋنت وكرۋگىندە قوعامدىق اۆتوبۋس اۋدارىلىپ، 25 ادامنىڭ ءومىرىن قيدى.
سونداي- اق اپاتتان 14 ادام اۋىر، تاعى 15 ادام جەڭىل جاراقات الدى. جەرگىلىكتى بيلىكتىڭ حابارلاۋىنشا، قازىر زارداپ شەككەندەرگە جاقىن ماڭداعى مەديتسينالىق مەكەمەلەردە كومەك كورسەتىلىپ جاتىر.
جان باسىنا شاققانداعى كولىككە يەلىك ەتۋدىڭ وتە تومەن دەڭگەيىنە قاراماستان، ەفيوپيادا جول- كولىك وقيعالارى سالىستىرمالى تۇردە ءجيى كەزدەسەدى. جول- كولىك وقيعاسىنىڭ جيىلەۋىنە جولدىڭ ناشارلىعى، كولىكتى ابايسىز جۇرگىزۋ جانە قاۋىپسىزدىك ەرەجەلەرىن ساقتاماۋ، سونداي- اق جۇرگىزۋشى كۋالىگى جۇيەسىنىڭ جەتىلمەگەندىگى سەبەپ بولاتىنى ايتىلىپ وتىر.