فينليانديا العاش رەت ناتو قۇرامىندا جاتتىعۋ وتكىزدى

استانا. قازاقپارات - 17 - قاراشادا فينليانديا اۋماعىندا ناتو ەلدەرىنىڭ قاتىسۋىمەن ءىرى ارتيللەريالىق جاتتىعۋ ءوتتى، دەپ حابارلايدى CNS اقپارات اگەنتتىگى.

بۇل فينليانديانىڭ 2023 -جىلى ناتو- عا مۇشە بولعاننان كەيىنگى العاشقى اۋقىمدى اسكەري ءىس- شاراسى بولىپ تابىلادى.

جاتتىعۋ ناتو- نىڭ «Dynamic Front-25» باعدارلاماسىنىڭ ءبىر بولىگى رەتىندە ۇيىمداستىرىلدى. وعان فينليانديا، ا ق ش، شۆەتسيا، ۇلى بريتانيا، فرانسيا جانە باسقا دا ناتو ەلدەرىنەن بارلىعى 3600 سارباز قاتىستى.

جاتتىعۋ فينليانديانىڭ لاپلانديا ايماعىنداعى روۆايارۆي (Rovajarvi) پوليگونىندا ءوتتى. بۇل پوليگون ەۋروپاداعى ەڭ ءىرى اسكەري جاتتىعۋ الاڭى سانالادى.

فينليانديا ارمياسىنىڭ پولكوۆنيگى ءارى جاتتىعۋدىڭ جەتەكشىسى مياكيتالونىڭ ايتۋىنشا، روۆايارۆي پوليگونى كوپ باعىتتى دالالىق ارتيللەريالىق تاكتيكالىق جاتتىعۋلار وتكىزۋگە مۇمكىندىك بەرەدى. سونىمەن قاتار، بۇل ايماق جاۋىنگەرلەردى اركتيكا ايماعىنداعى كۇردەلى كليماتتىق جانە گەوگرافيالىق جاعدايلارعا بەيىمدەلۋگە ۇيرەتەدى.

ايتا كەتەيىك، 2023 -جىلدىڭ 4 - ساۋىرىندە فينليانديا رەسمي تۇردە ناتو- نىڭ 31- مۇشەسى اتانعان بولاتىن.