استانا. KAZINFORM - جەكسەنبى كۇنى فيليپپينگە جەتكەن «فەنشەن» تروپيكالىق داۋىلىنان 8 ادام كوز جۇمىپ، 2 تۇرعىن ءىز- ءتۇزسىز جوعالىپ كەتتى، دەپ حابارلايدى Kazinform شينحۋا اگەنتتىگىنە سىلتەمە جاساپ.
مانيلانىڭ وڭتۇستىك-شىعىسىنداعى كەسون پروۆينتسياسىنداعى پيتوگو مۋنيتسيپاليتەتىندە اعاش قۇلاپ، 5 ادام قازا تاپتى. ەلدىڭ ورتالىق بولىگىندەگى باتىس ۆيساياس ايماعىندا تاعى 3 ادام وپات بولدى. بۇل تۋرالى فيليپپيننىڭ ازاماتتىق قورعانىس اگەنتتىگى جازدى.
- ەلدىڭ وڭتۇستىگىندەگى بۋكيدنون پروۆينتسياسىنداعى كەسون مۋنيتسيپاليتەتىندەگى كوشكىننەن كەيىن ءىز- ءتۇزسىز جوعالعان ەكى ادامدى ىزدەستىرۋ جۇمىستارى ءجۇرىپ جاتىر، - دەپ حابارلادى دج. كاستيلو.
ەسكە سالا كەتەيىك، بۇعان دەيىن فيليپپيندە سۋنامي قاۋپى تۋرالى ەسكەرتۋ جاريالانعانىن جازعانبىز.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.