فۋتزالدان قازاقستان قۇراماسى الەمدىك رەيتينگىدە 6-ورىنعا جايعاستى
11:34, 24 - جەلتوقسان 2023
قازاقستان قۇراماسى الەمدىك رەيتينگىدە 6-ورىنعا جايعاستى، دەپ حابارلايدى Kazinform.
الەمدەگى ەڭ بەدەلدى Futsal Planet پورتالىنىڭ رەيتينگىندە قازاقستان ۇلتتىق قۇراماسى 6-ورىنعا يە بولدى.
بۇعان دەيىن پاۋلو ريكاردو كاكا شاكىرتتەرى 2024-جىلى وتەتىن الەم چەمپيوناتىنا ىرىكتەۋدە 6 ويىندا 6 جەڭىسكە جەتىپ وزبەكستاندا وتەتىن دوداعا جولداما العان بولاتىن.
ايتا كەتەيىك، قازاقستان قۇراماسى الەم چەمپيوناتىنىڭ فينالدىق ساتىسىندا 2000، 2016، 2021-جىلدارى سىنعا ءتۇسىپ، 2021-جىلى 4-ورىنعا تابان تىرەدى.
ەسكە سالساق، قازاقستان قۇراماسى وزبەكستانمەن الداعى جىلدىڭ 8 جانە 10- ساۋىرىندە تاشكەنت قالاسىندا جولداستىق كەزدەسۋ وتكىزەدى.