فۋتزال: قازاقستان نيدەرلاند قۇراماسىن جەڭىپ، الەم چەمپيوناتىنا جولداما الدى
21:59, 14 - جەلتوقسان 2023
قازاقستان قۇراماسى فۋتزالدان وزبەكستاندا وتەتىن الەم چەمپيوناتىنا جولداما الدى، دەپ حابارلايدى Kazinform.
جاقسىلىق ۇشكەمپىروۆ اتىنداعى جەكپە-جەك سارايىندا وتكەن ويىندا يگيتا باستاعان فۋتزالشىلار نيدەرلاند قۇراماسىن 2:0 ەسەبىمەن جەڭدى.
كەزدەسۋدىڭ 1- مينۋتىندا ءبىرجان ورازوۆ كومانداسىن العا شىعارسا، 7- مينۋتتا دۋگلاس دجۋنيور ەسەپتى ەسەلەي ءتۇستى. ويىننىڭ ەكىنشى بولىگىندە گول سوعىلعان جوق.
ايتا كەتەيىك، قازاقستان ۇلتتىق قۇراماسى 20- جەلتوقسان كۇنى وزبەكستاندا وتەتىن الەم چەمپيوناتىنىڭ ىرىكتەۋ كەزەڭىندەگى سوڭعى ويىنىن رۋمىنياعا قارسى وتكىزەدى.
ەسكە سالايىق، بۇعان دەيىن مەملەكەت باسشىسى فۋتزالدان قازاقستان مەن نيدەرلاند اراسىنداعى ويىندى تاماشالاۋعا كەلگەنىن حابارلاعان ەدىك. پرەزيدەنتپەن بىرگە ۇلتتىق قۇراماعا بەلگىلى تۇلعالار قولداۋ ءبىلدىردى.