فۋتبولدان قازاقستان قۇراماسىنىڭ باس باپكەرىنىڭ مىندەتىن اتقارۋشى تاعايىندالدى

استانا. KAZINFORM - وتاندىق بەلگىلى مامان تالعات بايسۋفينوۆ فۋتبولدان قازاقستان ۇلتتىق قۇراماسىنىڭ باس باپكەرى مىندەتىن ۋاقىتشا اتقاراتىن بولىپ بەكىتىلدى.

تالعات مارۋا ۇلى ۇلتتىق قۇرامانى 2026-جىلعى الەم چەمپيوناتىنىڭ ىرىكتەۋ كەزەڭى اياسىندا وتەتىن ليحتەنشتەين (10-قازان) جانە سولتۇستىك ماكەدونيامەن (13-قازان) بولاتىن ويىنداردا دايىندايدى.

بايسۋفينوۆ بۇعان دەيىن 2016-2017 جانە 2020-2022-جىلدارى ۇلتتىق قۇرامانى ەكى مارتە باسقارعان بولاتىن. ال قازىرگى تاڭدا قازاقستان جاستار قۇراماسى (U21) باپكەرلەرىنىڭ ۇستازى (مەنتورى) قىزمەتىن اتقارادى.

- ق ف ف تالعات مارۋا ۇلىنىڭ تاجىريبەسىنە سەنىم ارتىپ، الداعى ويىنداردا ساتتىلىك تىلەيدى. سونىمەن قاتار، ق ف ف ۇلتتىق قۇرامانىڭ جاڭا باس باپكەرىن قىزمەتىنە ۇمىتكەرلەرمەن كەلىسسوزدى جۇرگىزىپ جاتىر. تىزىمدە ءۇش شەتەلدىك مامان بار، - دەپ جازىلعان حابارلامادا.

ەسكە سالساق، بۇدان بۇرىن الي اليەۆ فۋتبولدان قازاقستان قۇراماسى باس باپكەرى قىزمەتىنەن كەتەتىنىن مالىمدەدى.

قازىرگە دەيىن قازاقستاندىق فۋتبولشىلار بەلگيا (0:6)، ۋەلس (1:3، 0:1) پەن سولتۇستىك ماكەدونيا (0:1) قۇرامالارىنان جەڭىلىپ، ليحتەنشتەيننەن (2:0) باسىم ءتۇستى.