فۋتبولدان قازاقستان قۇراماسى گرەكياعا 19- ناۋرىزدا اتتانادى
استانا. قازاقپارات - فۋتبولدان قازاقستان قۇراماسى ۇلتتار ليگاسى پلەي-وفف ساتىسىنداعى گرەكياعا قارسى ويىنعا 19- ناۋرىزدا اتتانادى.
جاقىن كۇندەرى ۇلتتىق قۇراماعا تۇركيا جانە رەسەي چەمپيوناتتارىندا وينايتىن باكتيەر زاينۋتدينوۆ، نۇرالى ءالىپ جانە ابات ايىمبەتوۆ قوسىلادى.
ۇلتتىق قۇرامانىڭ وقۋ-جاتتىعۋ جيىنى بىرىككەن اراب امىرلىگىنىڭ دۋباي قالاسىندا ءوتىپ جاتىر. وعان ويىنشىلاردىڭ باسىم بولىگى جينالدى.
ب ا ءا- دە ءوتىپ جاتقان وقۋ-جاتتىعۋ جيىنى اياسىندا قازاقستاندىق فۋتبولشىلار تۇركىمەنستانمەن وتكەن جولداستىق كەزدەسۋدە قارسىلاسىن 2:0 ەسەبىمەن تىزە بۇكتىردى.
كەزدەسۋ بارىسىندا قازاقستاندىق فۋتبولشىلار قارسىلاس قۇراما قاقپاسىنا جاۋاپسىز ەكى گول سوقتى. ەل قۇراماسىنان يسلام چەسنوكوۆ 2، الەكساندر زۋيەۆ 47-مينۋتتا مەرگەندىك تانىتتى.
ايتا كەتسەك، قازاقستان قۇراماسى ۇلتتار ليگاسىندا س جولىمەن 2024-جىلدىڭ 21- ناۋرىزىندا جارتىلاي فينالدا سىرت الاڭدا گرەكيامەن كەزدەسەدى.
جەڭگەن جاعدايدا 26- ناۋرىزدا تاعى دا سىرت الاڭدا گرۋزيا-ليۋكسەمبۋرگ جۇبىنىڭ جەڭىمپازىمەن شەبەرلىك بايقاسادى.