فۋتبولدان قازاقستان جاسوسپىرىمدەر قۇراماسى ازەربايجاننان جەڭىلدى

استانا. KAZINFORM - قازاقستان 17 جاسقا دەيىنگى جاسوسپىرىمدەر قۇراماسى جولداستىق كەزدەسۋدە ازەربايجانعا ەسە جىبەردى.

قازاقستاندىق فۋتبولشىلاردىڭ گابالا قالاسىندا ازەربايجان جانە گرۋزيا قۇرامالارىمەن ەكى جولداستىق ماتچ جوسپارلانعان.

العاشقى ويىندا ولار ازەربايجانعا 0:2 ەسەبىمەن جەڭىلىپ قالدى.

ەندى ولار 8 -ماۋسىمدا 12:00- دە گرۋزيامەن وينايدى.

ەلىمىزدىڭ جاسوسپىرىمدەر قۇراماسى 28 -مامىردان باستاپ وقۋ-جاتتىعۋ جيىنىن باستادى. العاشقى وقۋ-جاتتىعۋ جيىنىن تالعار قالاسىندا وتكىزدى.

بۇل قۇراماعا اعا جاتتىقتىرۋشى باۋىرجان ساعىندىق جەتەكشىلىك ەتەدى.

سونداي- اق ەلىمىزدىڭ 19 جاسقا دەيىنگى جاستار قۇراماسى 31- مامىر مەن 10 -ماۋسىم ارالىعىندا شىمكەنت قالاسىندا وقۋ-جاتتىعۋ جيىنىن وتكىزىپ جاتىر. جوسپارعا سايكەس ءۇش جولداستىق ماتچ قاراستىرىلعان. الدىمەن «وڭتۇستىك اكادەمياسىمەن» ويناسا، ودان كەيىن بۇگىن، 7- ماۋسىمدا «تۇران» فۋتبول كلۋبىمەن شەبەرلىك بايقاسادى. ال 10-ماۋسىمدا «ورداباسى» كلۋبىمەن كەزدەسۋ وتەدى.

ەسكە سالساق، بۇدان بۇرىن فۋتبولدان ەۋروپا چەمپيوناتىنداعى قازاقستان قىزدار قۇراماسىنىڭ قارسىلاستارى انىقتالدى.