فۋتبول فەدەراتسياسىنىڭ جاڭا پرەزيدەنتى قاشان سايلانادى - مينيستر جاۋاپ بەردى

استانا. KAZINFORM – ق ر تۋريزم جانە سپورت ءمينيسترى ەربول مىرزابوسىنوۆ قازاقستان فۋتبول فەدەراتسياسىنىڭ جاڭا پرەزيدەنتىن تاڭداۋعا قاتىستى پىكىر ءبىلدىردى.

«قازىر ءار فەدەراتسيامەن تىعىز بايلانىستى جۇمىس ىستەپ جاتىرمىز. فەدەراتسيالاردىڭ دايىندىق جوسپارى، جول كارتاسى، وڭىرلەردە بالالاردىڭ فۋتبولمەن اينالىسۋى باعىتتارىن پىسىقتايمىز. فۋتبول فەدەراتسياسىنا توقتالساق، ادىلەت بارمەنقۇلوۆ فەدەراتسيا پرەزيدەنتتىگىنەن ءوز ەركىمەن كەتەمىن دەگەننەن كەيىن، ءبىز وعان ەشقانداي قارسىلىق تانىتا المايمىز»، - دەدى ە. مىرزابوسىنوۆ پارلامەنت ءماجىلىسىنىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

ونىڭ ايتۋىنشا، قازىر اتالعان فەدەراتسيا باسشىلىعىنا كىم كەلەتىنى بەلگىسىز.

«فۋتبول فەدەراتسياسى - ءوزىنىڭ اتقارۋشى كوميتەتى بار قوعامدىق بىرلەستىك. ازىرگە، ءتيىستى پروتسەدۋرالار اتقارىلىپ جاتىر جانە كىم كەلەتىنى بەلگىسىز. قالاي بولعاندا دا، بارلىق ۇمىتكەرگە تولىق تالداۋ جاسالادى. ءبىر ايدان كەيىن قورىتىندى كونفەرەنسيا ءوتىپ، وندا كانديداتتار جاريالانادى. ونىڭ مۇشەلىگىندەگى بارلىق ايماقتار جاڭا پرەزيدەنتتى سايلايدى. ءبىز دە ۇمىتكەردى تاڭداۋعا قاتىسامىز»، - دەدى مينيستر.

بۇدان بۇرىن حابارلانعانداي، جاقىندا قازاقستان فۋتبول فەدەراتسياسىنىڭ باسپا ءسوز قىزمەتى ادىلەت بارمەنقۇلوۆتىڭ فەدەراتسيا پرەزيدەنتتىگىنەن كەتكەنىن راستادى.

ايتا كەتەيىك، بۇگىن ءماجىلىستىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنە شىنىقتىرۋ جانە سپورت، سونداي-اق نورمالاردىڭ ارتىق زاڭنامالىق رەگلامەنتتەلۋىن بولدىرماۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى.

قۇجات اياسىندا سپورت فەدەراتسيالارىنىڭ قىزمەتى دە وزگەرەدى.

اۆتور

رۋسلان عابباسوۆ