فريدريح مەرتس گەرمانيا كانسلەرى اتاندى

استانا. KAZINFORM - بۇگىنگى كۇننىڭ ەكىنشى جارتىسىندا بۋندەستاگ سايلاۋدىڭ ەكىنشى تۋرىندا فريدريح مەرتستى فەدەرالدى كانتسلەر ەتىپ سايلادى، دەپ حابارلايدى Kazinform ءتىلشىسى.

ح د س جەتەكشىسى 325 داۋىس جينادى، كانتسلەر بولىپ تاعايىندالۋ ءۇشىن قاجەتتى 316 داۋىستان اسىپ ءتۇستى.

ءبىرىنشى تۋردا مەرتس نەبارى 310 داۋىس العان ەدى. ەندى ح د س/ح س س جەتەكشىسى ۇكىمەت باسشىسى بولادى، ال گەرمانيا فەدەراتيۆتىك رەسپۋبليكاسىنىڭ مينيسترلەر كابينەتى جۇمىسقا كىرىسەدى.

ۇكىمەتتىك كواليتسيا پارلامەنتتە 12 ورىندىق باسىمدىققا يە جانە ف. مەرتستىڭ «ح د س»، ولاردىڭ باۆارياداعى وداقتاستارى - حريستيان-الەۋمەتتىك وداق (ح س س) جانە سوتسيال-دەموكراتتار (س د پ گ) پارتيالارىنان قۇرالعان.