فرانسيادا تۋريستىك ۇشاق قۇلاپ، ءۇش ادام مەرت بولدى

استانا. KAZINFORM - فرانسيانىڭ سولتۇستىك-ورتالىق بولىگىندە ورنالاسقان شامفول كوممۋناسىندا جۇما كۇنى كۇندىز تۋريستىك ۇشاق اپاتقا ۇشىرادى، دەپ جازدى news.cn پورتالى.

Cessna 172 ماركالى ءبىر موتورلى ۇشاق اەرو-كلۋبقا تيەسىلى بولعان جانە اپات كەزىندە بورتتا بولعان ءۇش ادامنىڭ ۇشەۋى دە قازا تاپتى.

ەر جانە لۋارا دەپارتامەنتى بيلىگىنىڭ مالىمەتىنشە، ۇشاق جەرگىلىكتى ۋاقىتپەن شامامەن 16:00 دەن كەيىن تۇرعىن ۇيلەرگە جاقىن ماڭدا قۇلاعان. ۇشاق جاقىن ماڭداعى ۇيلەردى جاناي قۇلاۋعا جاقىن قالعان.

ۇشاق اپاتىنان ەكى ەر ادام، ء بىر ايەل قازا تاپتى.

اپات ورنى جەدەل تۇردە قۇتقارۋ قىزمەتتەرىمەن قورشاۋعا الىندى. قازىر وقيعا بويىنشا اۋە كولىگى جاندارمەرياسى مەن ۇلتتىق پوليتسيا تەرگەۋ جۇرگىزىپ جاتىر.

ايتا كەتەيىك، بۇعان دەيىن استانا ماڭىندا دا جەڭىل موتورلى ۇشاق قۇلاپ، ەكى ادامنىڭ قازا تاپقانى حابارلانعان بولاتىن.