استانا. KAZINFORM - فرانسيا ىشكى ىستەر مينيسترلىگىنىڭ باسشىسى جەرالد دارمانەن پاريج پوليتسيا دەپارتامەنتىنىڭ شەنەۋنىكتەرىنە ارنالعان بريفينگتە پاريجدەگى وليمپيادا ويىندارى كەزىندە پوليتسيا مەن جاندارمداردان ۇلگىلى ءتارتىپتى تالاپ ەتتى.
La Voix Du Nord باسىلىمىنىڭ پىكىرىنشە، مۇنداي تىيىمدار ەلدىڭ يميدجىن ساقتاۋ ءۇشىن قاجەت. سونداي-اق قىزمەت كەزىندە ۇيالى تەلەفونداردى قاراۋعا تىيىم سالىنادى.
«ءبارىمىز ماڭىزدى ءساتتى باستان وتكەرىپ جاتىرمىز. سىپايى بولۋدان جانە كۇلىمدەۋدەن تارتىنباڭىز. بۇكىل الەم ءبىزدى باقىلاپ وتىرادى»، - دەدى دجەرالد دارمانەن.
سونىمەن قاتار، 18-شىلدەدەن باستاپ پاريجدە وليمپيادانىڭ اشىلۋ سالتاناتىنىڭ انتيتەررورلىق پەريمەترى ىسكە قوسىلاتىنى بەلگىلى بولدى. قاۋىپسىزدىك ءۇشىن ونداعان مىڭ پوليتسيا مەن جەكە كۇزەتشىلەر جۇمىلدىرىلادى.
بۇعان دەيىن وليمپيادا وتكىزۋگە قانشا قارجى جۇمسالاتىنىن جازعان ەدىك.
اۆتور
ورالحان قوجانوۆ
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан