فرانسيا پرەزيدەنتىنىڭ ايەلى تانىمال سەريالعا تۇسەدى

استانا. KAZINFORM - فرانسيا پرەزيدەنتىنىڭ ايەلى بريجيت ماكرون «ەميلي پاريجدە» سەريالىنىڭ ءتورتىنشى ماۋسىمىنا تۇسپەكشى.

فرانسيانىڭ ءبىرىنشى حانىمى ب. ماكرون وندا جاڭا ءسان ۇلگىلەرىندەگى ءوز كيىمدەرىن كيەتىن بولادى.

باعدارلاما اۆتورى داررەن ستار جەرگىلىكتى ب ا ق-قا ب. ماكروننىڭ «جوعارى تالانت يەسى» ەكەنىن ايتتى.

بۇل ب. ماكروننىڭ ەكراندا ەكىنشى رەت ءوز ءرولىن سومداۋى بولماقشى.

2018 -جىلى ول ەكى مۇگەدەك جۇزگىشتىڭ ءومىرىن باياندايتىن فرانسۋزدىق «حابارشىلار» كومەديالىق سەريالىنا ءتۇستى. وسى جىلدىڭ باسىندا «بريجيت، ەركىن ايەل» دەپ اتالاتىن التى بولىمنەن تۇراتىن ءومىرباياندىق فيلم ءتۇسىرىلىپ جاتقانى بەلگىلى بولدى.

بەيسەنبى كۇنى Netflix-تە «ەميلي پاريجدە» سەريالىنىڭ ءتورتىنشى ماۋسىمىنىڭ پرەمەراسى شىعادى.

2020 -جىلى شىققاننان بەرى سەريال ايتارلىقتاي اۋديتوريا نازارىنا يە بولدى. ءتورتىنشى ماۋسىمنىڭ ءبىرىنشى جارتىسى 20 ميلليونعا جۋىق قارالىم جينادى جانە شوۋ ءوزىنىڭ ابسۋردتىق سيۋجەتتەرى مەن پاريجدى ادەپسىز بەينەلەۋى ءۇشىن تاقىرىپتاردى شىعارعانىنا قاراماستان، Netflix-تىڭ ەڭ جاقسى 10 شوۋىنىڭ قاتارىندا بولدى.

اۆتور
ەركەجان سماعۇلوۆا