فرانسيا: جاھاندىق جىلىنۋ ەڭبەك زاڭناماسىن وزگەرتىپ وتىر

استانا. KAZINFORM - فرانسيانىڭ جازعى اپتاپ ىستىق كۇن رايى ەندى تەحنيكالىق جۇمىسسىزدىقتىڭ سەبەبى بولىپ سانالادى. سوندىقتان قۇرىلىستاعى جۇمىسشىلار جۇمىسىن ءماجبۇرلى تۇردە توقتاتقان جاعدايدا جالاقىسىن جوعالتپايدى، دەپ حابارلايدى euronews.

فرانسيادا جاز مەزگىلى جىلدان جىلعا ىستىق بولۋدا. كوپتەگەن ادامدارعا بۇل وڭاي ەمەس، اشىق اۋادا جۇمىس ىستەۋگە تۋرا كەلەتىندەر ءۇشىن ءتىپتى قيىن. جاقىندا ەل بيلىگى جۇمىس بەرۋشىلەر قاتتى ىستىق بولعان جاعدايدا قۇرىلىس جۇمىستارىن توقتاتا الادى دەگەن جارلىق قابىلدادى.

«بۇل وتە ۇلكەن ماسەلە، ويتكەنى جازاتايىم وقيعالار ورىن العان. ءبىز ولاردى بولدىرماۋعا تىرىسىپ كەلەمىز»، - دەدى قۇرىلىس الاڭىنداعى قاۋىپسىزدىككە جاۋاپتى قىزمەتكەر ۋگو پاستورەللو.

ەلدەگى جازعى اپتاپ ىستىق تولقىندارى ەندى تەحنيكالىق جۇمىسسىزدىقتىڭ سەبەبى بولىپ سانالادى. سوندىقتان قۇرىلىستاعى جۇمىسشىلار جۇمىسىن ءماجبۇرلى تۇردە توقتاتقان جاعدايدا جالاقىسىنان ايىرىلمايدى.

«ءبىز نىسانعا كۇندىز كەلىپ، جۇمىس ىستەۋ ءۇشىن تىم ىستىق ەكەنىنە كوز جەتكىزۋىمىز، سودان كەيىن ءبىز جۇمىسشىلاردى ۇيگە جىبەرۋىمىز كەرەك. ءبىراق ولار جۇمىس ىستەگەندەي جالاقى الادى»، - دەدى ۋ. پاستورەللو.

ەڭبەك زاڭناماسىنداعى مۇنداي وزگەرىس ازىرگە تەك قۇرىلىس سەكتورىنا قاتىستى.

«جۇمىسشىلاردىڭ، بارلىعىنىڭ دەنساۋلىعىن جاقسارتۋ ماڭىزدى. مەن جاسپىن، ءبىراق مەنەن ۇلكەن ادامدار بار شىعار جانە ولارعا قيىنىراق»، - دەدى قۇرىلىسشى ديەگو بەرناردو.

زەرتتەۋگە سايكەس، اۋانىڭ تەمپەراتۋراسى 32 گرادۋستان جوعارى بولعان كەزدە ەڭبەك ونىمدىلىگى @ تومەندەيدى.