«FlyArystan» اۋە كومپانياسى ەلوردادان 3 قالاعا اۋە رەيستەرىن اشتى
«لوۋكوستەر تۋرالى بايانداپ وتەيىن: وسى جىلى باستالعان اۋە تاسىمالدارى ايتارلىقتاي جوعارى ناتيجە كورسەتتى. جۇكتەمە 90 پايىزدان اسىپ، 450 مىڭنان استام بيلەت ساتىلدى. ولاردىڭ 60 پايىزى ەڭ تومەنگى تاريفتەر بويىنشا 6 اي ىشىندە 10 مىڭ تەڭگەگە دەيىنگى باعامەن ۇسىنىلدى. لوۋكوستەردىڭ ناتيجەسىندە اۋەجايلاردىڭ قىزمەتى جاقسارعانىن اتاپ ءوتۋ قاجەت. وسى جىلدىڭ مامىرىنان باستاپ قازاقستاننىڭ 7 اۋەجايىنداعى ىشكى رەيستەر بويىنشا جولاۋشىلار اعىنى ورتا ەسەپپەن 20 پايىزعا ءوستى»، - دەدى ول.
سونىمەن بىرگە، قانات الپىسبايەۆ ۇلتتىق لوۋكوستەردىڭ الداعى جوسپارىمەن ءبولىستى.
«جۋىق ارادا نۇر-سۇلتاننان پاۆلودار، سەمەي، شىمكەنت قالالارىنا باعىتتالعان اۋە رەيستەرى اشىلادى. 2020 -جىلدىڭ سوڭىنا دەيىن لوۋكوستەر ايماقتىق ورتالىقتاردىڭ كوبىنە ۇشاق ۇشىرادى. سونىمەن بىرگە، نۇرسۇلتان نازاربايەۆ اۋەجايىنان ماسكەۋ قالاسى باعىتى بويىنشا حالىقارالىق باعداردى اشۋ جوسپاردا بار. قاراعاندى، اقتوبە قالالارىنا دا ۇشاق ۇشىرۋ كوزدەلگەن»، - دەدى ۇلتتىق كومپانيا وكىلى.
اۆتور: ايان بەكەن ۇلى