ازاماتتىق اۆياتسيا كوميتەتىنىڭ مالىمدەۋىنشە، اتىراۋدان الماتىعا بەت العان ۇشاق دابىلدىڭ ىسكە قوسىلۋىنا بايلانىستى قايتا قونعان.
«2020 -جىلعى 7-قىركۇيەكتە «اتىراۋ - الماتى» باعىتى بويىنشا رەيسىن ورىنداۋ كەزىندە «Fly Arystan» اۋە كومپانياسىنا تيەسىلى ۇشاقتا «اۆياتسيالىق سالقىنداتۋ كلاپانى جۇمىس ىستەمەيدى» دابىلى ىسكە قوسىلدى. ەكيپاج بارلىق ءتيىستى شارالاردى قابىلدادى، ءبىراق بۇل ۇشۋداعى اقاۋلىقتى قالپىنا كەلتىرۋگە كومەكتەسپەدى، مۇنداي جاعدايلاردا اۋە كەمەسىنىڭ ۇشۋ بيىكتىگى ون مىڭ فۋتتان اسپايدى» دەلىنگەن حابارلامادا.
مالىمەتكە ساي، وسى وقيعاعا بايلانىستى ۇشاق ءوزى ۇشىپ شىققان اۋەجايعا قايتا ورالۋ تۋرالى شەشىم قابىلداندى جانە اۋە كەمەسى شتاتتىق رەجيمدە قوندىرىلدى.
«ينجەنەرلىك- تەحنيكالىق قۇرام دەاكتيۆاتسيالاۋ شارالارىن وتكىزدى، سودان كەيىن اۋە كەمەسى الماتى قالاسىنداعى اۋەجايعا ۇشىپ كەتتى. بۇل وقيعا تەكسەرۋگە جاتاتىن اۆياتسيالىق وقيعالاردىڭ تىزبەسىنە جاتپايدى (اۆياتسيالىق وقيعالاردى تەكسەرۋ قاعيدالارىنىڭ 25 جانە 26-قوسىمشالارى)» دەپ حابارلايدى ۆەدومستۆو.