رەسەي اۋماعىندا Facebook جەلىسى بۇعاتتالدى

نۇر-سۇلتان. قازاقپارات - رەسەيدە الەۋمەتتىك جەلىلەر جانە تاۋەلسىز ب ا ق-پەن كۇرەس جالعاسىپ جاتىر.

ماسەلەن، جۋىردا روسكومنادزور رەسەي اۋماعىندا Facebook پەن تۆيتتەر جەلىلەرىن بۇعاتتادى. گلوبالچەك دەرەگىنە سايكەس، يۋتۋب پەن ينستاگرامعا دا شەكتەۋ قويىلۋدا.

روسكومنادزوردىڭ حابارلاماسىنا سەنسەك، مۇنداي شەشىمگە اتالعان پلاتفورمالاردىڭ رەسەيلىك ب ا ق پەن اقپاراتتىق رەسۋرستاردى كەمسىتۋى سەبەپ بولعان.

ايتا كەتەيىن، جۋىردا مەملەكەتتىك دۋما قارۋلى كۇشتەر تۋرالى جالعان اقپارات تاراتقانى ءۇشىن 15 جىلعا دەيىن باس بوستاندىعىنان ايىرۋ تۋرالى زاڭ قابىلداعان بولاتىن. ال وسىنىڭ الدىندا روسكومنادزور بۇقارالىق اقپارات قۇرالدارىنان ۋكرايناداعى قاقتىعىستى سوعىس ەمەس، ارنايى وپەراتسيا دەپ اتاۋدى تالاپ ەتكەن ەدى.

وسىعان بايلانىستى «نوۆايا گازەتا» رەداكسياسى جۋىردا ەندى تىيىم سالىنعان ماتەريالداردىڭ ءبارىن جويدى. ءبىراق باسقا باسىلىمدار جۇمىسىن توقتاتتى. ولاردىڭ اراسىندا «مەدۋزا» سايتى، «دوجد» تەلەارناسى مەن «ەحو موسكۆى» راديوسى بار.

24.kz