Facebook 6-شىلدەدە كارانتين جانە شەكتەۋ شارالارىن جەڭىلدەتۋ كەزىندە كومپانيا كەڭسەلەرى اشىلاتىنىن مالىمدەدى. «Google» كومپانياسىنىڭ اتقارۋشى ديرەكتورى سۋندار پيچاي (Sundar Pichai) كەڭسەگە ورالۋعا ءتيىستى قىزمەتكەرلەر شىلدە ايىنىڭ باسىندا عيماراتقا كەلىپ جۇمىس ىستەي الاتىنىن ايتتى. بۇل رەتتە كەڭسەلەردە اۋرۋدىڭ تارالۋىن بولدىرماۋ ءۇشىن كۇشەيتىلگەن قاۋىپسىزدىك شارالارى ەنگىزىلەتىن بولادى.
سونداي-اق، ول ءوز جۇمىسىن ۇيدەن ىستەي الاتىن قىزمەتكەرلەردىڭ كوپشىلىگى جىل سوڭىنا دەيىن قاشىقتان جالعاستىرا بەرەتىنىن اتاپ ءوتتى. Facebook كومپانياسى دا ءوز جۇمىسىن قاشىقتان جاساي الاتىن كەز كەلگەن ادام جىل سوڭىنا دەيىن وسى رەجيمدە جۇمىس ىستەي الادى دەپ حابارلادى. Facebook قاي قىزمەتكەرلەردەن كەڭسەگە جۇمىسقا شىعۋدى سۇرايتىنىن ءالى شەشكەن جوق.
ايتا كەتسەك، Facebook كومپانياسى - ءوز قىزمەتكەرلەرىنەن قاشىقتان جۇمىس ىستەۋگە رۇقسات بەرگەن IT- كومپانيالارى اراسىنداعى العاشقىلاردىڭ ءبىرى. كومپانيا قىزمەتكەرلەرىنە 1000 ا ق ش دوللارىنان (807 فۋنت ستەرلينگ) ولاردىڭ ۇيدەگى جۇمىسى جانە بالا كۇتىمى ءۇشىن بونۋستار تولەيدى.