شىمكەنتتىك ايەل كۇيەۋىنە بۇيرەگىن بەردى

شىمكەنتتە №1-قالالىق كلينيكالىق اۋرۋحانا بازاسىندا 221-بۇيرەك ترانسپلانتاتسياسى ءوتتى. دونور - ايەلى، ال كۇيەۋى - رەتسيپيەنت، - دەپ حابارلايدى Massaget.kz ءتىلشىسى otyrar.kz-كە سىلتەمە جاساپ.

ەر ادام ءبىر جىلدان بەرى سوزىلمالى بۇيرەك جەتىسپەۋشىلىگىمەن كەزەكتە تۇرعان. گەمودياليز اپپاراتىنا تاۋەلدى بولعان. دارىگەرلەر اعزا الماستىرۋ وتاسى كەزىندە 1975 -جىلعى ەر ازاماتقا ايەلىنىڭ بۇيرەگىن حيرۋرگيالىق جولمەن سالىپ بەردى. مەديتسينا قىزمەتكەرلەرى ەرلى-زايىپتىعا جاسالعان وتانىڭ ءساتتى وتكەنىن، ەكى پاتسيەنتتىڭ دە جاعدايى جاقسى ەكەنىن ايتتى.

ناۋقاستار ۇيىنە شىعارىلدى.

«№1 قالالىق كلينيكالىق اۋرۋحانادا كەزەكتى بۇيرەك ترانسپلانتاتسياسى وتاسى ءوتتى. وپەراتسيا ءتىرى دونوردا جاسالدى. ول رەتسەپيەنتتىڭ ايەلى. ناۋقاس 1 جىلدان بەرى گەمودياليز اپپاراتىنا تاۋەلدى بولعان. وتادان كەيىن «جاساندى بۇيرەك» قىزمەتى قاجەت بولمايدى. ناۋقاستىڭ ءومىر ءسۇرۋ ساپاسى جاقسارادى دەپ كۇتىپ وتىرمىز»، - دەدى حيرۋرگيا ءبولىمىنىڭ مەڭگەرۋشىسى ءسابيت بايتەرىموۆ.

كۇردەلى وتانى باستان وتكەرگەن ناۋقاس دەر كەزىندە ارەكەت ەتىپ، ءوزىن اجالدان اراشالاپ قالعان دارىگەرلەرگە العىس ايتتى.

«ءبىر جىل بويى گەمودياليزدە ءجۇردىم. وسى №1-قالالىق كلينيكالىق اۋرۋحانادا بۇيرەك اۋىستىرۋ وتاسىن جاسادى. جۇبايىم دونور بولدى. قۇدايعا شۇكىر، قازىر جاعدايىم جاقسى. بىرەر كۇندە ۇيگە شىعامىن. دارىگەرلەرگە كوپ راقمەت»، - دەدى رەتسيپيەنت ەرلان اسقاروۆ.