شىمكەنتتە پوليسەيلەر وقىس وقيعانىڭ الدىن الدى
شىمكەنت. KAZINFORM - پاترۋلدىك پوليتسيا ينسپەكتورلارى ابۋيەۆ ەرجان مەن عالىمجان قۇربانبايەۆ جانىپ جاتقان جۇك كولىگىنىڭ جۇرگىزۋشىسىنە جەدەل جانە ۋاقىتىلى كومەك كورسەتتى.
ءى ءى م باسپا ءسوز قىزمەتىنىڭ مالىمەتىنشە، ءتارتىپ ساقشىلارى قالا جولدارىن پاترۋلدەۋ كەزىندە جۇك كولىگىنەن ءتۇتىن شىعىپ، جانىپ جاتقانىن بايقاعان. ينسپەكتورلار بىردەن جول جيەگىندە تۇرعان كولىك قۇرالىنىڭ جانىنا توقتاپ، قىزمەتتىك كولىكتەگى ءورت سوندىرگىشتى قولعا الىپ، اپاتتىڭ الدىن الۋعا كىرىستى.
تەز ارادا كولىك كاپوتىنان شىعىپ جاتقان ءورتتى اۋىزدىقتاپ، گاز باللوننىڭ جابىلعانىنا كوز جەتكىزدى. وسىلايشا پوليتسەيلەر بولۋى مۇمكىن وقىس وقيعانىڭ ۋاقىتىلى الدىن الدى. ءوز كەزەگىندە، ابدەن ابدىراپ قالعان جۇك تاسىمالداۋشى ءتارتىپ ساقشىلارىنا بەيجاي قاراماي، كومەككە كەلگەنى ءۇشىن العىس ءبىلدىردى.
«قىزمەت اتقارۋ بارىسىندا ءبىز سان ءتۇرلى جاعدايلارمەن كەزىگەمىز. ەڭ باستىسى، ازاماتتاردىڭ اماندىعىن ساقتاپ قالۋ. ال، ولاردىڭ العىسى - ءبىز ءۇشىن ەڭ جوعارى ماراپات»، - دەيدى وفيتسەرلەر.