شىمكەنت قالاسى بويىنشا قىزىلشامەن اۋىرعاندار سانى 2312 گە جەتتى. ناۋقاستاردىڭ 80 پايىزعا جۋىعىن 14 جاسقا تولماعان بالالار قۇرايدى.
سونداي- اق مامانداردىڭ سوزىنشە، اتالعان اۋرۋدى جۇقتىرعانداردىڭ 90 پايىزى ەكپە الماعان. سوندىقتان دارىگەرلەر كوپشىلىكتى ەكپەنى ۋاقىتىلى قابىلداۋعا شاقىرۋدا.
«قالادا 2021-2022 -جىلدارى قىزىلشا اۋرۋى تىركەلمەگەن. ال بيىل كۇن سايىن تۇرعىندار اراسىندا قىزىلشا اۋرۋشاڭدىعىنىڭ تارالۋى بەلەڭ الىپ، ورشۋدە. قىزىلشانىڭ الدىن الۋدىڭ ەڭ ءتيىمدى، سەنىمدى جانە بالاماسىز جولى — ۆاكتسيناتسيا. قىزىلشاعا قارسى ەگۋ — ۆيرۋستى جاساندى جولمەن توقتاتۋ. ناتيجەسىندە اعزا ءوزىن تۇراقتى قورعايتىن يممۋنيتەت قالىپتاستىرادى»، — دەيدى شىمكەنت قالاسىنىڭ س ە ب د ءبولىم باسشىسى جانار جاقسىلىقوۆا.