كۇدىكتىلەر ەكى كاسىپكەرگە كۇش قولدانىپ، ولاردىڭ BMW مەن ۆا3-2114 اۆتوكولىكتەرىن زاڭسىز يەمدەنىپ العان. سونداي- اق، كۇش قولدانۋ ارقىلى اقشا بوپسالاپ كەلگەن. تەكسەرۋ كەزىندە ءتورت اتىس قارۋى، وق-دارىلەرىمەن، ەسىرتكى قۇرالدارى جانە وزگە دە زاتتاي ايعاقتار تاركىلەندى.
«قالالىق پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ارنايى وپەراتسيا بارىسىندا بوپسالاۋشىلار توبىن قۇرىقتادى. توپ مۇشەلەرى - 20-40 جاس ارالىعىنداعى ازاماتتار. ولاردىڭ باسىم بولىگى بۇرىن سوڭدى بىرنەشە رەت قىلمىستىق جاۋاپكەرشىلىككە تارتىلعان. پوليتسياعا 10 ادام جەتكىزىلدى، ونىڭ ىشىندە توپتىڭ ەڭ بەلسەندى ءتورت مۇشەسى قاماۋعا الىندى. قازىرگى ۋاقىتتا ق ر قىلمىستىق كودەكسىنىڭ بىرنەشە بابى بويىنشا سوتقا دەيىنگى تەرگەۋ جۇرگىزىلىپ جاتىر»، - دەلىنگەن ۆەدومستۆا تاراپىنان تاراتىلعان اقپاراتتا.