شىمكەنتتە جول ەرەجەسىن بۇزاتىندار كوبەيدى

شىمكەنت. KAZINFORM - شىمكەنتتە ەكى كۇن ىشىندە 2,5 مىڭنان استام جول ەرەجەسىن بۇزعان جاعداي انىقتالدى.

ءتارتىپ ساقشىلارى ەكى تاۋلىك ىشىندە كولىك جۇرگىزۋشىلەرى مەن جول قوزعالىسىنىڭ باسقا دا قاتىسۋشىلارى جاساعان 2584 قۇقىق بۇزۋشىلىقتى انىقتادى. ولاردىڭ ىشىندە تەحنيكالىق بايقاۋدان وتپەۋ، كولىكتى زاڭسىز قايتا جابدىقتاۋ، قاۋىپسىزدىك بەلبەۋلەرىن تاقپاۋ، كولىكتى باسقارۋ كەزىندە ۇيالى تەلەفون پايدالانۋ، مانەۆر جاساۋ ەرەجەلەرىن بۇزۋ، قارسى قوزعالىس جولاعىنا شىعۋ، باعدارشامنىڭ تىيىم سالۋ سيگنالىنا ءوتۋ، بەلگىلەنبەگەن جەردەن جولدى كەسىپ ءوتۋ جاعدايلارى كوپ تىركەلگەن.

«ءىس-شارانىڭ نەگىزگى مىندەتى - جول-كولىك وقيعالارى مەن جول ءجۇرۋ قاعيدالارىن بۇزۋدىڭ الدىن الۋ جانە بولدىرماۋ. «قاۋىپسىز جول» پروفيلاكتيكالىق ءىس-شاراسى 29-اقپانعا دەيىن جالعاسادى. پوليتسيا قىزمەتكەرلەرى مەگاپوليس جولدارىنداعى قاۋىپسىزدىكتى قامتاماسىز ەتۋ ماقساتىندا كۇشەيتىلگەن رەجيمدە جۇمىس ىستەپ جاتىر»، - دەلىنگەن شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.