شىمكەنت. KAZINFORM - شىمكەنتتە جالدامالى پاتەرلەردىڭ بىرىنەن ءۇندىستاندىق ەكى ستۋدەنتتىڭ دەنەسى تابىلدى. شەتەلدىكتەردىڭ ءبىرى 21 دە، ەكىنشىسى 22 جاستا بولعان.
otyrar.kz جازعانداي، مارقۇم بولعاندار وڭتۇستىك قازاقستان مەديتسينا اكادەمياسىنىڭ 2-كۋرسىندا وقىعان. ولار ءال- فارابي اۋدانىنداعى پاتەردى ءۇش شەتەلدىك ستۋدەنتپەن بىرگە جالعا الىپ تۇرعان.
«العاشىندا ەكى جىگىت تابيعي گازدان ۋلانىپ قايتىس بولۋى مۇمكىن دەگەن بولجام جاسالعان. سەبەبى پاتەر ىشىندە گازبەن سۋ جىلىتقىش جانە اس ءۇي پەشى بولعان. ءبىراق ارنايى ماماندار گاز قۇرىلعىسىنان ەشقانداي اقاۋ تاپپاعان. اتالعان فاكتىنى قالالىق ت ج د راستادى»، دەلىنگەن دەرەككوزدە.
وقيعانىڭ ءمان-جايىن پوليسيا انىقتايتىن بولادى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.