شىمكەنتتە دىنمۇحامەد قونايەۆ اتىندا جاڭا مەكتەپ اشىلدى
زاماناۋي جانە تيپتىك ۇلگىدەگى ءبىلىم ورداسى 3500 ورىنعا لايىقتالعان، دەپ حابارلايدى Kazinform.
نۇرسات شاعىن اۋدانىندا ورنالاسقان جەكەمەنشىك مەكتەپكە كورنەكتى مەملەكەت جانە قوعام قايراتكەرى دىنمۇحامەد قونايەۆتىڭ ەسىمى بەرىلدى.
كاسىپكەردىڭ ەسەبىنەن سالىنعان جاڭا مەكتەپتە بالالار ءبىر اۋىسىمدا ءبىلىم الادى. بوس ۋاقىتتا پاندىك، سپورتتىق جانە ونەر ۇيىرمەلەرىنە قاتىسۋىنا بارلىق جاعداي جاسالعان. ءبىلىم شاڭىراعىندا سپورتزال، 30 ينتەراكتيۆتى تاقتا، روبوتوتەحنيكا، بيولوگيا، حيميا، فيزيكا لابوراتوريا كابينەتتەرى، سونداي-اق 500 ورىنعا ارنالعان اسحانا، كىتاپحانا، گيمناستيكا، اكت زالدارى، اشىق جانە جابىق فۋتبول الاڭدارى بار.
اتالعان ءبىلىم وشاعىندا 1-6- سىنىپ وقۋشىلارى تەگىن تاماقپەن قامتىلعان. قۇرىلتايشى تاراپىنان ءار توقسان سايىن تەست تاپسىرعان ۇزدىك وقۋشىلارعا ستيپەنديا بەرىلەدى.