شىمكەنتتە دارىگەرلەر جۇرەگى توقتاپ قالعان جۇكتى ايەلدى امان الىپ قالدى
شىمكەنت. KAZINFORM - شىمكەنتتە تۇراتىن جۇكتى ايەل شۇعىل تۇردە №2-قالالىق اۋرۋحانانىڭ پەرزەنتحاناسىنا جەتكىزىلدى. دەنساۋلىق ساقتاۋ مينيسترلىگى باسپا ءسوز قىزمەتىنىڭ مالىمەتىنشە، ول قاتتى قان كەتۋمەن، 3- دارەجەلى گەمورراگيالىق شوك جاعدايىندا كەلىپ تۇسكەن.
وپەراتسيالىق ۇستەلدە ونىڭ جۇرەگى توقتاپ قالدى. ءبىراق قۇرامىندا انەستەزيولوگتار، اكۋشەر- گينەكولوگتار، وپەراتسيالىق مەيىرگەرلەر، ترانسفۋزيولوگتار بار دارىگەرلەر توبى جۇرەك- وكپە رەانيماتسياسىن ءساتتى جۇرگىزدى.
نەگىزگى ومىرلىك فۋنكتسيالارىن قالپىنا كەلتىرگەننەن كەيىن قان كەتۋدى توقتاتۋ وپەراتسياسى جۇرگىزىلدى جانە دارىگەرلەر بريگاداسىنىڭ ۇيلەسىمدى جانە جوعارى بىلىكتى ءىس-قيمىلدارىنىڭ ارقاسىندا پاتسيەنتتىڭ ءومىرىن ساقتاپ قالدى.
بۇگىنگى تاڭدا بوسانعان ايەل مەن ءسابيدىڭ جاعدايى قاناعاتتانارلىق جانە ولاردى ۇيگە شىعارۋعا دايىنداپ جاتىر.
وسكەمەندە ايالدامادا جۇرەگى توقتاپ قۇلاپ قالعان اجەنى دارىگەرلەر قۇتقارىپ قالعانىن جازعان بولاتىنبىز.