شىمكەنتتە بوپسالاۋ جانە قاراقشىلىقپەن اينالىسقان قىلمىستىق توپ ۇستالدى
شىمكەنت. KAZINFORM - ءتىنتۋ بارىسىندا ۇستالعانداردان اتىس قارۋى مەن وق-دارىلەر تاركىلەندى.
پوليتسيانىڭ حابارلاۋىنشا، ۇستالعان توپ وكىلدەرىنە، بىرنەشە رەت قاراقشىلىق شابۋىل جاسادى، توناۋ جانە بوپسالاۋمەن اينالىستى دەگەن كۇدىك كەلتىرىلىپ وتىر.
تەرگەۋ مالىمەتتەرى بويىنشا، ۇيىمداستىرۋشى سەنىمدى ادامدارى ارقىلى قىلمىستىق ارەكەتتەرىن جۇزەگە اسىرۋ ءۇشىن ءىرى كولەمدە اقشا جاتۋى ىقتيمال ورىنداردى انىقتايتىن بولعان.
سونىمەن قاتار ول تۇنگى كلۋبتاردىڭ ءبىرىن ءوز باقىلاۋىنا الىپ، «قامقورلىعى» ءۇشىن اي سايىن 2,5 ميلليون تەڭگە الىپ وتىرعان. جەدەل جۇمىستار بارىسىندا قىلمىستىق ارەكەتتەردى ۇيىمداستىرۋشى مەن ونىڭ سەرىگى ۇستالدى.
- ءتىنتۋ بارىسىندا ولاردان اتىس قارۋى مەن وق-دارىلەر تاركىلەندى. ۇستالعاندار ۋاقىتشا ۇستاۋ يزولياتورىنا قامالدى. وسى توپتىڭ تاعى 5 مۇشەسى ۇستالدى. ولاردىڭ ارەكەتتەرىنە قۇقىقتىق باعا بەرىلەدى. وپەراتسيا قالا پروكۋراتۋراسىنىڭ ۇيلەستىرۋىمەن ءوتتى، - دەپ حابارلادى شىمكەنت قالاسىنىڭ پوليتسيا دەپارتامەنتىنەن.