شىمكەنتتە 20 ميلليون تەڭگەنىڭ التىنىن جىمقىرعان پاتەر ۇرىلارى ۇستالدى
شىمكەنت. KAZINFORM - قازىرگى تاڭدا پوليتسيا باعالى بۇيىمداردىڭ بولىگىن يەسىنە قايتارىپ بەردى. جەدەل-ىزدەستىرۋ ءىس-شارالارى بارىسىندا پاتەر ۇرلىعىمەن اينالىسقان 5 ەر ادام قۇرىقتالدى.
ق ر ىشكى ىستەر مينيسترلىگىنىڭ حابارلاۋىنشا، ۇرىلار بوتەننىڭ ۇيىنە تەرەزەدەن كىرىپ، كوبىنە التىن بۇيىمداردى قولدى ەتكەن. ءبىر اي ىشىندە كۇدىكتىلەر ونعا جۋىق ءۇيدى توناعان. كەلتىرىلگەن شىعىننىڭ جالپى سوماسى شامامەن 20 ميلليون تەڭگەنى قۇرادى.
- كۇدىكتىلەر ۋاقىتشا ۇستاۋ يزولياتورىنا قامالدى. قىلمىستىڭ بارلىق ءمان-جايى مەن بولۋى مۇمكىن ەپيزودتارىن انىقتاۋعا باعىتتالعان قاجەتتى تەرگەۋ ارەكەتتەرى جۇرگىزىلىپ جاتىر، - دەلىنگەن حابارلامادا.
پوليتسيا ازاماتتارعا ۇرلىقتىڭ قۇربانى بولماۋ ءۇشىن قاۋىپسىزدىك شارالارىن قولدانۋ قاجەتتىگى تۋرالى ەسكە سالادى.
وسىعان دەيىن اباي وبلىسىندا 8 جاسار قىزدى زورلاعان ەر ادام جازاسىن ءومىر بويى تۇرمەدە وتەيتىنىن جازعان ەدىك.