الدىن الا مالىمەتكە قاراعاندا، ساتىلعان بيلەتتەر سانى كونسەرت الاڭىنىڭ رۇقسات ەتىلگەن سىيىمدىلىعىنان ەداۋىر اسىپ كەتكەن. سونىڭ سالدارىنان كورەرمەندەر شامادان تىس جينالىپ، ادامداردىڭ قاۋىپسىزدىگىنە قاتەر تونگەن.
شىمكەنت پوليسيا دەپارتامەنتىنىڭ مالىمەتىنشە، ادامداردىڭ قىسىلىپ قالۋى سالدارىنان 18 جاستاعى قىز جاراقاتتانىپ، اۋرۋحاناعا جەتكىزىلدى.
سونداي-اق پوليتسيا الەۋمەتتىك جەلىلەردە ادام ءولىمى تۋرالى تاراعان اقپاراتتى جوققا شىعاردى. رەسمي مالىمەتكە سايكەس، وقيعا كەزىندە قازا تاپقاندار جوق.
- كونسەرتتى ۇيىمداستىرۋشى، 1984 -جىلى تۋعان ل. ەسىمدى ازامات ۇستالىپ، ۋاقىتشا ۇستاۋ يزولياتورىنا قامالدى. قازىرگى ۋاقىتتا تەرگەۋ جۇرگىزىلىپ جاتىر. تەرگەۋ بارىسى شىمكەنت قالاسى پوليتسيا دەپارتامەنتى باسشىلىعىنىڭ باقىلاۋىندا، -دەلىنگەن حابارلامادا.
پوليتسيا ازاماتتاردى تەكسەرىلمەگەن اقپاراتتى تاراتپاۋعا ۇندەپ، كورىنەۋ جالعان اقپارات تاراتقانى ءۇشىن زاڭدا جاۋاپكەرشىلىك كوزدەلگەنىن ەسكە سالدى.
بۇعان دەيىن شىمكەنتتە قايرات نۇرتاستىڭ كونتسەرتىندە 8 ادام مەديتسينالىق كومەككە جۇگىنگەنىن حابارلاعان ەدىك.