سوت اۋەلبەكوۆتى بىرنەشە رەت پارا العانى ءۇشىن كىنالى دەپ تانىدى.
- سوت ۇكىمىمەن جەڭىس اۋەلبەكوۆكە 23 ميلليون 531 مىڭ 200 تەڭگە كولەمىندە ايىپپۇل جازاسى تاعايىندالدى. سونىمەن قاتار ول «پوليتسيا پودپولكوۆنيگى» ارنايى اتاعىنان ايىرىلدى. بۇدان بولەك ءومىر بويىنا مەملەكەتتىك قىزمەتتە جانە كۆازيمەملەكەتتىك سەكتوردا لاۋازىم اتقارۋعا تىيىم سالىندى، - دەلىنگەن سوت شەشىمىندە.
ەسكە سالا كەتەيىك، بۇعان دەيىن الەۋمەتتىك جەلىلەردە شىمكەنتتە كوشى-قون قىزمەتى باسقارماسى باستىعىنىڭ مىندەتىن ۋاقىتشا اتقارۋشى جەڭىس اۋەلبەكوۆتىڭ ۇستالعانى تۋرالى اقپارات تاراعان ەدى.
Kazinform اگەنتتىگى ۇ ق ك- گە رەسمي ساۋال جولداپ، اتالعان اقپاراتتى راستاۋدى نەمەسە تەرىسكە شىعارۋدى، تەرگەۋ بارىسىنىڭ ءمان-جايى جانە قىتاي ازاماتتارىنا قۇجاتتاردى راسىمدەۋگە كومەكتەسكەنى ءۇشىن 100 مىڭ تەڭگە كولەمىندە پارا الدى دەگەن بولجامعا قاتىستى اقپارات بەرۋدى سۇراعان.
سول كەزدە ۆەدومستۆو قىلمىستىق- پروتسەستىك كودەكستىڭ 201-بابىنا سىلتەمە جاساپ، ءىستىڭ ەگجەي-تەگجەيىن جاريالاۋدان باس تارتىپ، تەك سوتقا دەيىنگى تەرگەپ-تەكسەرۋدىڭ جۇرگىزىلىپ جاتقانىن راستاعان.
بۇعان دەيىن شىمكەنتتە دەپارتامەنت باسشىسىنا قاتىستى سوتقا دەيىنگى تەرگەۋ ءجۇرىپ جاتقانى تۋرالى حابارلاعان ەدىك.
اۆتورلار
ءسابيت تاستانبەك