الەۋمەتتىك جەلىلەردە جىلقىنى اۆتوكولىككە بايلاپ، جول بويىمەن جەتەكتەپ بارا جاتقان ءسات تۇسىرىلگەن بەينەجازبا تارادى.
اتالعان دەرەك بويىنشا پوليتسيا قىزمەتكەرلەرى تەكسەرۋ جۇرگىزىپ، جۇرگىزۋشىنىڭ كىم ەكەنىن انىقتادى. تەكسەرۋ ناتيجەسىندە جانۋاردىڭ جاراقاتتانباعانى بەلگىلى بولدى.
- وقيعاعا بايلانىستى جۇرگىزۋشىگە قاتىستى جانۋارلارعا قاتىگەزدىك كورسەتۋ جانە تاسىمالداۋ قاعيدالارىن بۇزۋ دەرەكتەرى بويىنشا ەكى اكىمشىلىك حاتتاما تولتىرىلدى، - دەپ حابارلادى شىمكەنت قالاسىنىڭ پوليتسيا دەپارتامەنتى.
پوليتسيا جانۋارلاردى تاسىمالداۋ كەزىندە بەلگىلەنگەن تالاپتاردى ساقتاپ، ولاردىڭ قاۋىپسىزدىگىنە قاتەر توندىرەتىن ارەكەتتەرگە جول بەرمەۋگە شاقىردى.
بۇعان دەيىن شىمكەنت كوشەلەرىندە قاراۋسىز جۇرگەن جىلقىلار تۇرعىنداردىڭ نارازىلىعىن تۋدىرعانىن جازعان ەدىك.