كريمينالدىق پوليتسيا قىزمەتكەرلەرى اۋە كەمەسى بورتىندا ۇشۋ كەزىندە جاسالعان اسا ءىرى كولەمدەگى ۇرلىقتى اشتى. بۇل قىلمىستى جاسادى دەگەن كۇدىكپەن ەكى شەتەل ازاماتى ۇستالعان.
الدىن الا مالىمەت بويىنشا كۇدىكتىلەر شىمكەنت-استانا باعىتىنداعى اۋە رەيسى كەزىندە جابىرلەنۋشىنىڭ سالعىرتتىعىن پايدالانىپ، وعان تيەسىلى 7,6 ميلليون تەڭگەنى جىمقىرعان.
«جەدەل ىزدەستىرۋ ءىس-شارالارى ناتيجەسىندە كۇدىكتىلەر انىقتالىپ، ولار ۇستالدى. ۇستالعاندار ءوز كىناسىن مويىنداپ، قاماۋعا الىندى. قازىر بۇل دەرەك بويىنشا سوتالدى تەرگەپ-تەكسەرۋ جۇرگىزىلىپ جاتىر»، - دەدى پوليتسيا.
ۇرلانعان اقشا تولىق كولەمدە زاڭدى يەسىنە قايتارىلعان.