شىعىس قىتايعا «پۋلاسان» تايفۋنى جەتتى

استانا. KAZINFORM - بيىل 14-رەت سوققان «پۋلاسان» تايفۋنى چجەتسزيان پروۆينتسياسى مەن شاڭحاي قالاسىنىڭ جاعالاۋىنا جەتتى. بۇل تۋرالى شاڭحاي مەتەورولوگيالىق ورتالىعىنىڭ حابارلاماسىندا ايتىلعان.

ەپيتسەنترىندە كۇشى سەكۋندىنا 23 مەتر بولعان تايفۋن بەيسەنبى كۇنى كەشكى ساعات 21:45 شاماسىندا قىتايدىڭ شىعىسىنداعى چجەتسزيان پروۆينتسياسىنا جەتكەننەن كەيىن شاڭحايدىڭ فەنسيان اۋدانىندا سوقتى.

20-قىركۇيەك كۇنى تاڭعى ساعات 9:00 دە شاڭحايدىڭ جاعالاۋ اۋداندارىندا 300 م م- دەن استام جاۋىن-شاشىن جاۋىپ، تاريحي رەكوردتى جاڭارتتى.

«پۋلاسان» تايفۋنى - وسى اپتادا شىعىس قىتايدا سوققان ەكىنشى تايفۋن. دۇيسەنبىدە «بەبينكا» تايفۋنى قىتاي مەگاپوليسىنە جەتىپ، 1949-جىلى ق ح ر قۇرىلعاننان بەرى شاڭحايدا سوققان ەڭ كۇشتى تايفۋن بولدى.

قىتايدىڭ شىعىسىنداعى چجەتسزيان پروۆينتسياسىنىڭ مەتەورولوگيالىق ورتالىعىنىڭ بولجامىنشا، «پۋلاسان» تايفۋنىنىڭ قارقىندىلىعى بىرتە-بىرتە السىرەيدى.