شىعىس قازاقستاننىڭ ءۇش اۋدانىنان سارىپ دەرتىنىڭ وشاعى انىقتالدى
استانا. قازاقپارات - شىعىس قازاقستان وبلىسىندا جىل باسىنان بەرى برۋسەلليەز اۋرۋىنىڭ ءۇش بىردەي وشاعى تىركەلدى، دەپ حابارلايدى 24kz.
ىندەت مارقاكول، زايسان جانە ۇلكەن نارىن اۋداندارىندا بايقالعان. بۇل تۋرالى وبلىستىق ۆەتەريناريالىق قىزمەت حابارلادى. مارقاكول اۋدانىندا ەكى تۇرعىن سارىپ دەرتىنە شالدىعىپ، مەديتسينالىق مەكەمەگە جۇگىنگەن. ەپيدەميولوگيالىق تەكسەرىس بارىسىندا اتالمىش ءۇش وشاقتا ناۋقاستارمەن جاناسقان 12 ادام انىقتالىپ، بارلىعى دا باقىلاۋعا الىندى. ولارعا پروفيلاكتيكالىق جانە ەمدىك شارالار تولىق كولەمدە جۇرگىزىلدى.
برۋسەلليەز - نەگىزىنەن مالدان ادامعا جۇعاتىن ينفەكسيالىق اۋرۋ. سوندىقتان ەپيدەميولوگيالىق قاۋىپسىزدىكتى قامتاماسىز ەتۋ ءۇشىن ءبىرىنشى كەزەكتە ءۇي جانۋارلارىنا ۆاكسينا ەگۋ جۇمىستارى قولعا الىنادى. قازىرگى تاڭدا وبلىس بويىنشا 5 ميلليون دوزاعا جۋىق ارنايى ۆاكسينا جانە برۋسەلليەزدى انىقتاۋعا ارنالعان دياگنوستيكالىق تەست دايىن. اۋرۋدىڭ الدىن الۋ جانە ەرتە دياگنوستيكالاۋ ماقساتىندا رەسپۋبليكالىق بيۋدجەتتەن 2 ميلليارد تەڭگەدەن استام قاراجات بولىنگەن.