شىعىس قازاقستانداعى 50 گە جۋىق مەكتەپتىڭ ديرەكتورى جوق

وسكەمەن. KAZINFORM - شىعىس قازاقستان وبلىسىنداعى 48 مەكتەپ باسشىسىز قالىپ وتىر.

وڭىردەگى باسشى كادرلاردىڭ تاپشىلىعى مەن پەداگوگ جەتىسپەۋشىلىگى تۋرالى ش ق و ءبىلىم باسقارماسىنان ءمالىم ەتتى. ۆەدومستۆو باسشىسى قۋات وقاسوۆتىڭ ايتۋىنشا، بۇگىندە 48 جالپى ءبىلىم بەرەتىن مەكتەپتە ديرەكتور جوق.

- پەداگوگتەردىڭ كوبىسىنىڭ ديرەكتورلىق قىزمەتكە ۇمتىلمايتىنىن بايقاپ وتىرمىز. سەبەبى وندا جاۋاپكەرشىلىك جوعارى، ال ىنتالاندىرۋ جەتكىلىكسىز. سونىڭ سالدارىنان وڭىردە مەكتەپ باسشىلارىنىڭ تاپشىلىعى قالىپتاستى، - دەدى ول.

سونىمەن قاتار مۇعالىمدەردىڭ جەتىسپەۋشىلىگى دە وزەكتى. وبلىسقا شامامەن 100 مامان قاجەت. اسىرەسە، بۇل ماسەلە شالعاي ەلدى مەكەندەردە وتكىر سەزىلەدى.

- كادر تارتۋدىڭ ءتۇرلى تەتىكتەرى قاراستىرىلىپ جاتىر. سونىڭ ىشىندە قونىس اۋدارۋ باعدارلامالارى مەن ىنتالاندىرۋ شارالارى دا بار، - دەپ حابارلادى باسقارمادان.