شىعىس قازاقستاندا زاڭسىز جۇمىس ىستەپ جۇرگەن 12 قىتاي ازاماتى ەلدەن شىعارىلدى
وسكەمەن. KAZINFORM - شىعىس قازاقستان وبلىسى كۇرشىم اۋدانىندا زاڭسىز جۇمىس ىستەپ جۇرگەن 12 قىتاي ازاماتى انىقتالدى. سوت شەشىمىمەن ولار ەلدەن شىعارىلدى.
ش ق و سوتى باسپا ءسوز قىزمەتىنىڭ مالىمەتىنە سۇيەنسەك، كۇرشىم اۋداندىق سوتىندا ق ح ر ازاماتتارىنا قاتىستى ق ر ا ق ب ت ك- ءنىڭ 517-بابى 5-بولىگىمەن اكىمشىلىك ءىس قارالدى.
بەلگىلى بولعانداي، ولار جۇمىسقا تۇرعاندا ءتيىستى رۇقسات قاعازدارىن الماي، كوشى-قون سالاسىنداعى زاڭناما تالاپتارىن بۇزعان. سوت بارىسىندا ولار ءوز كىنالارىن تولىقتاي مويىندادى.
«سوت شەشىمىمەن 12 قىتاي ازاماتى كىنالى دەپ تانىلىپ، قازاقستان رەسپۋبليكاسى اۋماعىنان شىعارىلىپ جىبەرىلدى. قاۋلى تولىقتاي زاڭدى كۇشىنە ەندى»، - دەلىنگەن اقپاراتتا.
ەسكە سالساق، وسىعان دەيىن وسكەمەندە جۇرگىزۋشى كۋالىگىنە ەمتيحان تاپسىرعانداردان 40 ميلليون تەڭگە سىياقى العان ح ق و قىزمەتكەرلەرى سوتتالعانى حابارلانعان.