شىعىس قازاقستاندا زاڭسىز التىن وندىرۋمەن اينالىسقاندار ۇستالدى

استانا. KAZINFORM - شىعىس قازاقستاندا پايدالى قازبا بايلىقتارىن زاڭسىز وندىرۋمەن اينالىسقان ەكى توپ ۇستالدى دەپ حابارلايدى 24kz.

جەرگىلىكتى پوليتسيا دەپارتامەنتىنىڭ حابارلاۋىنشا، 7 ادامنان تۇراتىن ءبىرىنشى توپ سامار اۋدانىندا جۇمىس ىستەگەن. ولار مەتالل دەتەكتورلارى ارقىلى جەر ۋچاسكەلەرىنە بارلاۋ جۇرگىزىپتى. كەيىن ەكسكاۆاتورمەن توپىراقتىڭ ۇستىڭگى بولىگىن الىپ، التىن كەسەكتەرىن وندىرگەن.

ال 11 ادامنان تۇراتىن ەكىنشى توپ ءدال وسىنداي سحەمامەن زاڭسىز ارەكەتىن ۇلكەن نارىن اۋدانىندا جۇزەگە اسىرعان. پوليتسەيلەر تەحنيكادان بولەك، 20 گرامنان اساتىن التىن، 6 مەتالل ىزدەگىش پەن، راديوستانسيانى تاپتى. كۇدىكتىلەر جۇمىستارىن مۇقيات جاسىرعانى سونشا، ولاردى جەدەل انىقتاۋ مۇمكىندىك بولماعان. زاڭسىزدىقتى تولىق تىركەۋ ءۇشىن ماماندار ءتىپتى پيلوتسىز ۇشۋ اپپاراتىن قولدانعان. قازىر ەكى توپ مۇشەلەرى، بىرنەشە باپ بويىنشا جاۋاپقا تارتىلدى. كەلتىرىلگەن زالالعا قاتىستى ءتيىستى ساراپتاما تاعايىندالدى.