شىعىس قازاقستاندا قوس ازاماتتىقپەن جۇرگەن 48 ادام انىقتالدى
وسكەمەن. KAZINFORM - شىعىس قازاقستان وبلىسىندا جىل باسىنان بەرى ءتارتىپ ساقشىلارى قوس ازاماتتىقپەن جۇرگەن 48 ازاماتتى انىقتادى. ونىڭ 9 ى سوت شەشىمى بويىنشا ەل اۋماعىنان شىعارىلدى.
ءوڭىر پوليتسەيلەرى قوس ازاماتتىعى بار ادامداردى انىقتاپ جاتىر. ماسەلەن وسكەمەن قالاسىنىڭ 59 جاستاعى تۇرعىنى 2021-جىلدىڭ مامىر ايىندا كورشى مەملەكەتتىڭ ازاماتتىعىن العانى بەلگىلى بولدى. ءبىراق بۇل تۋرالى زاڭدا بەلگىلەنگەن مەرزىمدە قۇقىق قورعاۋ ورگاندارىنا حابارلاماعان.
«شەتەلدىكتىڭ جەكە كۋالىگى مەن قازاقستان رەسپۋبليكاسى ازاماتىنىڭ ءتولقۇجاتى تاركىلەندى. قازىرگى ۋاقىتتا ول قازاقستان ازاماتتىعىنان ايىرىلدى. زاڭدى بۇزعانى ءۇشىن ەر ادام 200 ا ە ك كولەمىندە ايىپپۇل تولەدى»، - دەيدى ش ق و پ د كوشى-قون قىزمەتى باسقارماسىنىڭ باستىعى رينات شكيبايەۆ.
ەسكە سالا كەتەيىك، بۇعان دەيىن تۇركىستاندا قوس ازاماتتىعى بار امەريكالىق ەرلى-زايىپتىعا ايىپپۇل سالىنعانىن جازعان ەدىك.