شىعىس قازاقستان ورماندارىن ورتتەن «اقىلدى مۇنارالار» قورعايدى

وسكەمەن. KAZINFORM - شىعىس قازاقستان وبلىسىندا بيىلعى جازدا ورمانداردا ءورتتى ەرتە انىقتايتىن جۇيە ورناتىلا باستايدى.

جىل باسىنان بەرى وڭىردەگى ورمانداردا 4 رەت ءورت شىققان. جالىن 179 گەكتار اۋماقتى شارپىدى. ەندى ورتتەردى تەز انىقتاپ، ءسوندىرىپ وتىرۋ ءۇشىن ارنايى جۇيە ىسكە قوسىلماق.

مامىر ايىندا وبلىستاعى توعىز ورمان شارۋاشىلىعىندا كامەرالار مەن داتچيكتەر قويىلعان مۇنارالاردى ورناتۋ بويىنشا پيلوتتىق جوبا جۇزەگە اسىرىلا باستايدى. ولاردىڭ ىشىندە مارقاكول، ۇلكەن نارىن، التاي، سامار اۋداندارى بار.

- بۇل مۇنارالار ءتۇتىندى بىردەن بايقاپ، ورمان شارۋاشىلىعى ديسپەتچەرلەرىنە ناقتى ۋاقىت رەجيمىندە مالىمەتتەردى بەرىپ وتىرادى. وپەراتور «قازاقتەلەكوم» ا ق كەلەسى ايدان ورماندارداعى ءتيىستى ۋچاسكەلەردى بەكىتەدى. بارىنشا كوپ اۋماق كورىنەتىندەي جەردى تاڭداۋ قاجەت، - دەپ حابارلادى شقو تابيعي رەسۋرستار جانە تابيعات پايدالانۋدى رەتتەۋ باسقارماسىنان.

جاڭا جابدىق كۇن باتارەيالارىنان قۋات الادى. بۇل اسىرەسە كولىكتەردىڭ جەتۋى قيىن جانە ەلەكتر جەلىلەرى تارتىلماعان ايماقتار ءۇشىن اسا ماڭىزدى.

ەسكە سالساق، وسىعان دەيىن ش ق و زايسان اۋدانىندا قامىس ورتەنگەنى جايلى جازعانبىز.