شىعىس قازاقستان وبلىسىنداعى «ەرتىس» شاحتاسىندا 4 ادام قازا تاپتى

وسكەمەن. KAZINFORM - جازاتايىم وقيعا 31-تامىزدا ساعات 17.30 شاماسىندا KAZ Minerals كومپانياسىنا قاراستى «ەرتىس» شاحتاسىندا بولعان.

«شاحتادان 4 ادامنىڭ ءمايىتى تابىلدى. ولاردىڭ ەكەۋى كاسىپورىننىڭ، ەكەۋى مەردىگەر ۇيىمنىڭ جۇمىسشىلارى بولعان. الدىن الا دەرەك بويىنشا جۇمىسشىلار گازدان ۋلانىپ قالعان»، - دەپ حابارلادى KAZ Minerals كومپانياسىنىڭ باسپا ءسوز قىزمەتىنەن.

وقيعانىڭ ءمان-جايى مەن سەبەپتەرى انىقتالۋدا. تەرگەۋ جونىندەگى ارنايى كوميسسيا قۇرىلدى.

KAZ Minerals كومپانياسى ديرەكتورلار كەڭەسىنىڭ ءتوراعاسى ولەگ نوۆاچۋك قايعىلى وقيعانى تەرگەۋگە جەكە قاتىسۋ ءۇشىن «ەرتىس» شاحتاسىنا باردى.

«كاسىپورىن باسشىلىعى مەن ۇجىمى قازا بولعانداردىڭ تۋىستارى مەن جاقىندارىنا قايعىرا كوڭىل ايتادى. كومپانيا مارقۇمداردىڭ وتباسىلارىنا جان-جاقتى كومەك كورسەتەدى»، - دەلىنگەن اقپاراتتا.

ش ق و ت ج د دەرەگىنشە، تاعى ءبىر ادام ش ق و گلۋبوكوە اۋداندىق اۋرۋحاناسىنا جاتقىزىلعان. دارىگەرلەر ونىڭ جاعدايىن تۇراقتى دەپ باعالاپ وتىر.

اۆتور

تالعاتجان مۇحامەتبەك ۇلى