شىعىس قازاقستان وبلىسىندا مەملەكەتتىك قىزمەتكەر اكىمدى سوتقا بەردى

وسكەمەن. KAZINFORM - شىعىس قازاقستان وبلىسىندا مەملەكەتتىك قىزمەتكەر قىزمەتتىك تۇرعىن ءۇيدى ءوز اتىنا اۋدارىپ العىسى كەلگەن. ءبىراق بۇعان اۋدان اكىمى كەلىسپەدى. ءسويتىپ ءىس سوتقا جەتكەن.

ش ق و مامانداندىرىلعان اۋدانارالىق اكىمشىلىك سوتى باسپا ءسوز قىزمەتىنىڭ مالىمەتىنە سۇيەنسەك، مەملەكەتتىك قىزمەتكەر اكىمنىڭ پاتەردى جەكەشەلەندىرۋدەن باس تارتۋ تۋرالى شەشىمىمەن كەلىسپەي، سوتقا شاعىم تۇسىرگەن.

اكىم باس تارتۋ سەبەبىن قىزمەتتىك پاتەر بالانستا تۇرعان مەملەكەتتىك ورگان مەن قىزمەتكەردىڭ اراسىندا ەڭبەك كەلىسىمشارتى جوقتىعىنان دەپ تۇسىندىرگەن. ال تالاپكەر مەملەكەتتىك قىزمەتتەگى تاجىريبەسى بارىن جانە ەكولوگيالىق اپات ايماعىندا تۇرعان ادام رەتىندە بۇل پاتەردى جەكەشەلەندىرۋ قۇقىعىنا يە ەكەندىگىن جەتكىزگەن.

«تالاپكەردىڭ جالپى ەڭبەك ءوتىلى - 40  جىل، ونىڭ ىشىندە مەملەكەتتىك قىزمەتتەگى ءوتىلى - 35 جىل. «تۇرعىن ءۇي قاتىناستارى تۋرالى» زاڭعا سايكەس، ەگەر ادامنىڭ مۇنداي تاجىريبەسى بولسا جانە اتىندا ءۇيى بولماسا وندا قىزمەتتىك پاتەردى جەكەشەلەندىرۋگە قۇقىلى»، - دەلىنگەن اقپاراتتا.

وسىلايشا، سوت مەملەكەتتىك قىزمەتكەردىڭ تالاپ ارىزىن قاناعاتتاندىردى. ۇكىم ءالى زاڭدى كۇشىنە ەنگەن جوق.

ەسكە سالساق، وسىعان دەيىن ش ق و- دا الاياقتار اكىمدىك قىزمەتكەرلەرى اتىنان حالىقتان اقشا سۇراپ جاتقانىن حابارلاعان ەدىك.

اۆتور
تالعاتجان مۇحامەتبەك ۇلى