شىعىس قازاقستاندا قوڭىر ايۋلار كوبەيدى

وسكەمەن. KAZINFORM - شىعىس قازاقستان وبلىسىندا قوڭىر ايۋلاردىڭ پوپۋلياتسياسى ايتارلىقتاي وسكەن.

Видеодан алынған кадр

2022-جىلى وڭىردە 2977 ايۋ تىركەلسە، 2026-جىلعى ولاردىڭ سانى 3787 گە جەتكەن.

ش ق و ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ مالىمەتىنشە، 2025-جىلى قوڭىر ايۋلاردىڭ ەلدى مەكەندەر ماڭىندا جۇرۋىنە بايلانىستى 39 ءوتىنىش تۇسكەن. ال 2026-جىلدىڭ باسىنان بەرى مۇنداي حابارلامالار سانى 47-گە دەيىن ارتىپ وتىر.

- ايۋلاردى كورگەنى تۋرالى حابارلامالار كوبىنە ريددەر قالاسى مەن التاي اۋدانىنان تۇسەدى. ماسەلەن، ريددەردە وتكەن جىلى وسىنداي 23 جاعداي تىركەلسە، بيىل 22 جاعداي بولعان. ال التاي اۋدانىندا كەرىسىنشە، كورسەتكىش 11 دەن 20 عا دەيىن وسكەن،- دەلىنگەن اقپاراتتا.

2026-جىلدىڭ باسىنان بەرى وبلىستىق تابيعي رەسۋرستار باسقارماسىنا قاراستى ورمان جانە اڭشىلىق شارۋاشىلىعىنىڭ جەدەل ارەكەت ەتۋ جاساعىنا جابايى جانۋارلاردىڭ، سونىڭ ىشىندە ايۋلاردىڭ ەلدى مەكەندەر ماڭىندا جۇرگەنى تۋرالى بارلىعى 78 ءوتىنىش كەلىپ تۇسكەن.

ستاتيستيكالىق مالىمەتتەر ايماقتاعى قوڭىر ايۋلار سانىنىڭ سوڭعى جىلدارى ءوسىپ كەلە جاتقانىن كورسەتەدى. اتاپ ايتقاندا، 2023-جىلى ولاردىڭ سانى – 3260، 2024 -جىلى – 3113، 2025-جىلى - 3296 بولعان. ال 2026-جىلعى ەسەپ ناتيجەسىندە 3787 ايۋ تىركەلدى.

ەسكە سالساق، وسىعان دەيىن كولسايدا قىزىل كىتاپتاعى سيرەك ايۋ كامەراعا ءتۇسىپ قالعانى حابارلانعان.