شىعىس قازاقستان وبلىسىندا قىس مەزگىلىندە اۋا رايى قانداي بولادى

وسكەمەن. KAZINFORM — ەلدىڭ باسىم بولىگىندە بيىلعى قىس ادەتتەگىدەن جىلى بولىپ، قار مولىنان جاۋادى دە بولجانىپ جاتقانىمەن شىعىس قازاقستان وبلىسىندا قالىپتى قىسقى اۋا رايى ايتارلىقتاي وزگەرمەيدى دەپ كۇتىلۋدە.

Фото: Kazinform\ЖИ

«قازگيدرومەت» ر م ك- نىڭ 2026-2027 -جىلدارداعى قىس مەزگىلىنە ارنالعان بولجامىنا سۇيەنسەك، شىعىس ءوڭىرى ءۇشىن اۋا رايى رەسپۋبليكادان وزگەشە بولماق.

سينوپتيكتەر قازاقستاننىڭ باسقا ايماقتارىندا اۋا تەمپەراتۋراسى 1-3 گرادۋسقا جوعارىلاپ، مەزگىل سوڭىندا قار مولىنان جاۋادى دەپ بولجاپ وتىر. ال ش ق و- دا ءۇش اي بويى قار مولشەرى كليماتتىق نورما شاماسىندا ساقتالادى.

قاردىڭ شامادان تىس جاۋماۋى تاۋلى ايماقتارداعى قار كوشكىنى ءقاۋپىن جانە رەسپۋبليكالىق ماڭىزى بار جولداردا قار قۇرساۋىنىڭ پايدا بولۋ ىقتيمالدىعىن تومەندەتەدى.

ال اۋا تەمپەراتۋراسىنىڭ ايلىق كورسەتكىشتەرى كەلەسىدەي بولادى:

— جەلتوقسان ايىندا اۋا تەمپەراتۋراسى كۇرت قۇبىلمايدى. ش ق و- دا ورتاشا ايلىق تەمپەراتۋرا كوپجىلدىق نورما شەگىندە ساقتالادى. ال رەسپۋبليكا بويىنشا قىستىڭ العاشقى ايى ادەتتەگىدەن 1-2 گرادۋس جىلى بولادى دەپ كۇتىلۋدە؛

— قاڭتاردا وڭىردەگى اۋا تەمپەراتۋراسى ايتارلىقتاي وزگەرەدى. شىعىس قازاقستاندا تەرمومەتر باعانى ورتاشا كورسەتكىشتەن 1-2 گرادۋسقا جوعارى بولۋى مۇمكىن. بۇل قاڭتاردىڭ ءداستۇرلى ايازىن ءبىرشاما باسەڭدەتۋى ىقتيمال؛

— اقپاندا ايماقتا ادەتتەگى قىسقى سۋىق قايتا ورنايدى. قازاقستاننىڭ باسقا ايماقتارىندا كۇننىڭ ەرتەرەك جىلىنۋى، اۋا تەمپەراتۋراسىنىڭ نورمادان 1-3 گرادۋسقا جوعارى بولۋى جانە قاردىڭ مول ءتۇسۋى بولجانىپ وتىر. ال ەلىمىزدىڭ شىعىسىندا، اباي وبلىسىنىڭ سولتۇستىك- شىعىس بولىگىندە جانە سولتۇستىك وڭىرلەردە قىسقى اۋا رايى كليماتتىق نورما شەگىندە ساقتالادى.

سولتۇستىك قازاقستان جانە شىعىس قازاقستان وبلىستارىندا، پاۆلودار وبلىسىنىڭ باسىم بولىگىندە جانە اباي وبلىسىنىڭ سولتۇستىك- شىعىس جارتىسىندا ورتاشا ايلىق اۋا تەمپەراتۋراسى كليماتتىق نورما شاماسىندا بولادى دەپ كۇتىلىپ وتىر. بۇل ايدا رەسپۋبليكا اۋماعىنىڭ باسىم بولىگىندە جاۋىن-شاشىن مولشەرى كليماتتىق نورمادان جوعارى بولادى. ال شىعىس قازاقستاندا كوپجىلدىق ورتاشا كورسەتكىشتەرگە سايكەس ساقتالادى.

ەسكە سالساق، وسىعان دەيىن وسكەمەندە ءۇش كۇن قاتارىنان اۋاداعى كۇكىرت ديوكسيدىنىڭ مولشەرى شەكتى دەڭگەيدەن اسىپ وتىرعاندىعى حابارلانعان.