كوشى-قون قىزمەتىنىڭ مالىمەتىنشە، وڭىردە بيىل 550-دەن استام ادامنىڭ قازاقستان ازاماتتىعىنان شىققانى تىركەلگەن. ولاردىڭ باسىم بولىگى شەتەل ازاماتتىعىن العان. الايدا كەيبىر ازاماتتار قازاقستان ازاماتتىعىنان شىققانىنا قاراماستان، ەلگە كىرۋ جانە قازاقستان اۋماعىندا بولۋ كەزىندە قازاقستاندىق پاسپورت پەن جەكە كۋالىكتى پايدالانۋدى جالعاستىرعان.
زاڭ بۇزعانداردىڭ ىشىندە: 26 ادام شەتەل ازاماتتىعىن العانى تۋرالى بەلگىلەنگەن مەرزىمدە حابارلاماعان؛ 9 ادام قازاقستان ازاماتىنىڭ پاسپورتى نەمەسە جەكە كۋالىگىن پايدالانۋدى جالعاستىرعان.
ماسەلەن، وسكەمەندە 64 جاستاعى ايەلدىڭ باسقا مەملەكەتتىڭ ازاماتتىعىن العانىنا قاراماستان، بۇل تۋرالى ۋاقتىلى حابارلاماعانى جانە قازاقستان قۇجاتتارىن پايدالانعانى انىقتالدى. ناتيجەسىندە ونىڭ قازاقستاندىق قۇجاتتارى تاركىلەنىپ، قازاقستان ازاماتتىعىن توقتاتقانى تىركەلدى. قازاقستان زاڭناماسىنا سايكەس، باسقا مەملەكەتتىڭ ازاماتتىعىن العان ادام بۇل تۋرالى كوشى-قون قىزمەتىنە بەلگىلەنگەن مەرزىمدە حابارلاپ، قازاقستان ازاماتىنىڭ پاسپورتى مەن جەكە كۋالىگىن تاپسىرۋعا مىندەتتى. قازاقستاندا قوس ازاماتتىققا زاڭ بويىنشا جول بەرىلمەيدى.