شىعارماشىلىق جوعارى وقۋ ورىندارىنا پرەزيدەنت ستيپەندياسى ءبولىندى

استانا. قازاقپارات - 2025-جىلعى 24-ماۋسىمدا قازاقستاندىق ءۇش شىعارماشىلىق جوعارى وقۋ ورىندارىنا مەملەكەت باسشىسىنىڭ 18 ستيپەندياسى ءبولىندى.

شەشىمگە مادەنيەت جانە اقپارات ءمينيسترى ايدا بالايەۆا قول قويىپ بەكىتتى.

- عىلىم جانە جوعارى ءبىلىم ءمينيسترىنىڭ 2025-جىلعى 16-مامىرداعى 251-بۇيرىعىمەن بەكىتىلگەن قازاقستان رەسپۋبليكاسى پرەزيدەنتىنىڭ 2025-جىلعا ارنالعان ستيپەندياسىن مينيسترلىكتەر اراسىندا ءبولۋدى ىسكە اسىرۋ ماقساتىندا بۇيىرامىن. وسى بۇيرىققا قوسىمشاعا سايكەس قازاقستان رەسپۋبليكاسى پرەزيدەنتىنىڭ 2025-جىلىنا ارنالعان جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارى اراسىندا ءبولۋ بەكىتىلسىن، - دەلىنگەن قۇجات ماتىنىندە.

ستيپەنديالار كەلەسى جوعارى وقۋ ورىندارىنىڭ ستۋدەنتتەرىنە تاعايىندالدى:

- قۇرمانعازى اتىنداعى قازاق ۇلتتىق كونسەرۆاتورياسى - 4 ستيپەنديا؛

- كۇلاش بايسەيىتوۆا اتىنداعى قازاق ۇلتتىق ونەر ۋنيۆەرسيتەتى - 10 ستيپەنديا؛

- ت. جۇرگەنوۆ اتىنداعى قازاق ۇلتتىق ونەر اكادەمياسى - باكالاۆرياتتىڭ 3 ستۋدەنتىنە جانە ماگيستراتۋرانىڭ 1 ستۋدەنتىنە ستيپەنديا بەرىلدى.

اتالعان بۇيرىق 2025-جىلعى 14-شىلدە دە كۇشىنە ەنەدى.

ەسكە سالايىق، مادەني ماماندىقتا وقيتىن ستۋدەنتتەرگە پرەزيدەنت ستيپەندياسى جىل سايىن بەرىلەدى.