الماتىلىق قىز شىمبۇلاقتىڭ اسپالى جولىندا ۇيالى تەلەفونىن قورابىنان الىپ جاتقان تۇستا تەلەفونى تومەن قاراي ءتۇسىپ كەتكەن. ونىڭ ۆيدەوسى الەۋمەتتىك جەلىدە قىزۋ تالقىعا ءتۇستى.
ءبىرى الماتىلىق قىز ادەيى ىستەدى دەپ ويلاسا، ەندى ءبىرى ول تەلەفون ەمەس، مۋلياج بولۋى مۇمكىن ەكەنىن ايتقان.
الايدا ارتىنشا تاعى ءبىر كۇتپەگەن وقيعا بولعان. گاۋحار ۆيدەونى الەۋمەتتىك جەلىگە جاريالاعاننان كەيىن الدەكىم ونىڭ ۇستىنەن e-otinish ارقىلى شاعىمدانعان. ارىز جازعان ادام الماتىلىق قىز قورشاعان ورتانى لاستادى دەپ شاعىمدانعان.
ماعان جاڭا iPhone 18 تەلەفونىمدى ءتۇسىرىپ العان ۆيدەوم بويىنشا ارىز ءتۇستى. ءوزىم نەگىزى بۋحالتەرمىن. ەسەپ تاپسىرۋدىڭ ورنىنا قازىر e-Otinish ارقىلى تۇسىنىكتەمە جازىپ وتىرمىن. ۆيدەوم مۇنشالىقتى كوپ قارالىم جينايدى دەپ مۇلدە ويلامادىم. ءبىر جاعىنان، ەلىمىزدە تابيعاتىمىزعا بەيجاي قارامايتىن، ونىڭ تاعدىرىنا الاڭدايتىن ادامداردىڭ بار ەكەنىنە قۋانىشتىمىن، - دەيدى الماتىلىق قىز.