شي جينپيڭنىڭ ەلورداعا ساپارى كەزىندە قاي كوشەلەر ۋاقىتشا جابىلادى

استانا. قازاقپارات - 16-18- ماۋسىم ارالىعىندا استاناعا ق ح ر ءتوراعاسى شي جينپيڭ رەسمي ساپارمەن كەلەدى. ال 17- ماۋسىم كۇنى ەلوردادا ورتالىق ازيا مەملەكەتتەرى باسشىلارىنىڭ قاتىسۋىمەن «قىتاي - ورتالىق ازيا» ىسكەرلىك كەڭەسىنىڭ ەكىنشى وتىرىسى وتەدى.

استانا قالاسى اكىمدىگى رەسمي سايتىنىڭ حابارلاۋىنشا، ءوسى ىس- شاراعا بايلانىستى باس قالادا 16-18-ماۋسىم ارالىعىندا ءبىرقاتار كوشەدە كولىك قوزعالىسىنا ۋاقىتشا شەكتەۋلەر ەنگىزىلەدى.

جول قوزعالىسى مىنا ۋچاسكەلەردە توقتاتىلادى:

قابانباي باتىر داڭعىلى نۇرسۇلتان نازاربايەۆ حالىقارالىق اۋەجايىنان باستاپ ماڭگىلىك ەل داڭعىلىنا دەيىن؛

ماڭگىلىك ەل داڭعىلى قابانباي باتىر داڭعىلىنان د. قونايەۆ كوشەسىنە دەيىن؛

قونايەۆ كوشەسىنەن قابانباي باتىر داڭعىلىنا دەيىنگى ارالىق؛

قابانباي باتىر داڭعىلىنىڭ قورعالجىن تاس جولىنا دەيىنگى بولىگى.

سونداي-اق 2025 -جىلعى 17-ماۋسىم كۇنى مىنا كوشەلەردە ۋاقىتشا قوزعالىس شەكتەلەدى:

كەرەي-جانىبەك حاندار كوشەسى - ماڭگىلىك ەل داڭعىلىنان باستاپ شەرحان مۇرتازا كوشەسىنە دەيىن؛

تاۋەلسىزدىك داڭعىلى - كەرەي- جانىبەك حاندار كوشەسىنەن ا. بايتۇرسىن ۇلى كوشەسىنە دەيىن.

بۇعان قوسا، 17-ماۋسىمدا ساعات 14:00 دەن 20:30 عا دەيىن بەيبىتشىلىك جانە كەلىسىم سارايى ماڭىنداعى ق. امانجولوۆ جانە ج. ناجىمەدەنوۆ كوشەلەرىندە كولىك قوزعالىسى ۋاقىتشا شەكتەلەدى.

جۇرگىزۋشىلەر مەن جاياۋ جۇرگىنشىلەر جول قوزعالىسىندا بولاتىن وزگەرىستەردى ەسكەرە وتىرىپ، باعىتىن الدىن الا جوسپارلاعانى ءجون.

قوعامدىق قاۋىپسىزدىكتى قامتاماسىز ەتۋ جانە جولداعى قولايسىزدىقتى ازايتۋ ماقساتىندا ۋاقىتشا جول بەلگىلەرى مەن نۇسقاعىشتار ورناتىلادى.