شي جينپيڭ رەسەيگە ءۇش كۇندىك ساپارمەن بارادى
استانا. KAZINFORM - ق ح ر ءتوراعاسى شي جينپيڭ رەسەي پرەزيدەنتى ۆلاديمير پۋتيننىڭ شاقىرۋىمەن 7-10-مامىر ارالىعىندا رەسەيگە رەسمي ساپارمەن بارادى. بۇل تۋرالى كرەملدىڭ باسپا ءسوز قىزمەتى حابارلادى.
قىتاي باسشىسى ەكىنشى دۇنيەجۇزلىك سوعىستاعى جەڭىستىڭ 80 جىلدىعىنا ارنالعان مەرەكەلىك شارالارعا قاتىساتىنى اتاپ ءوتىلدى. سونداي-اق مەملەكەت باسشىلارى اراسىندا كەلىسسوزدەر جۇرگىزىلىپ، قۇجاتتارعا قول قويۋ جوسپارلانىپ وتىر.
- كەلىسسوزدەردە جان-جاقتى سەرىكتەستىك پەن ستراتەگيالىق ارىپتەستىك قاتىناستارىن ودان ءارى دامىتۋدىڭ نەگىزگى ماسەلەلەرى، حالىقارالىق جانە وڭىرلىك ماڭىزى بار وزەكتى ماسەلەلەر تالقىلانادى. ءبىرقاتار ەكىجاقتى ۇكىمەتارالىق جانە ۆەدومستۆوارالىق قۇجاتقا قول قويۋ جوسپارلانىپ وتىر، - دەلىنگەن حابارلامادا.
ەسكە سالا كەتەيىك، شي جينپيڭ ۆەتنام، مالايزيا جانە كامبودجاعا مەملەكەتتىك ساپارمەن باراتىنى جايلى حابارلاندى.
شي جينپيڭ ا ق ش-پەن «ساۋدا سوعىسى» اياسىندا وداقتاستارىمەن قارىم-قاتىناستى نىعايتىپ جاتىر.